¹ Cho oni Shukulu wendekele kuli Mosesa, ngwendi, ² "Endeka kuli ba Isalela ngwobe batela kwiluka na kukaba chilombo ha lutwe lwa Pihahilosi, mukati ka Mingindoli na kalunga ndonga, kanda lathza Mbalu Zefoni. Mukake chilombo ku kalunga ndonga kalikenge na Pihahilose. ³ Falo a kendeka bya bana ba Isalela ngwendi, "Bali na kuyebangela mu lifuti. Mambo ya ba shokelelamo.' ⁴ Nji ka kaluhwitha mbunge ya Falo, cho aka ba kabangeya. Nji ka tambula bulemu mwafwa ya Falo na mashwalale bendi. Ba ka Ingito ba ka thzibuka ngwabo nge omu baba kambeyeye. ⁵ Cho mwene wamu Ingito ba mulekele ngwabo ba Isalela bana bomboloka, bithinganyeka bya Falo na bingamba bendi bya tengulukilile baje banu. Bendekele ngwabo, "Bika twalingi? Twatabetha Isalela kuthzeneka kutu pangela yetu." ⁶ Cho oni Falo wa bwaethele makalu endi cho wa mbatele na mashwalale bendi kuya nabo hamo. ⁷ Wambatele biita bitanu na chimo bya makalu aje a shakwile na oshe akwabo makalu a mu Ingito, na ba kabipangi boshe. ⁸ Shukulu wakaluwithile mbunge ya Falo, mwene wa Ingito, cho mwene wakabele ba Isalela. Aha oni ba Isalela baile na kubwaelela. ⁹ Oloni ba Ingito ba ba kabangeele, amolika na makalu, ba ku londa tubalu amo na mashwalale bendi. Ba pulakanene ba Isalela bakele a chilombo chije chakele ku kalunga ndonga kuyei na Pihahilothi, kanda laja Mbalu Zefani. ¹⁰ Omu oni Falo wethzile ayei, ba Isalela ba andukile cho balikomokelele. Ba Ingito bakele na kwija a nima yabo, cho bathzibile lyoba. Ba Isalela balililile kuli Shukulu. ¹¹ Cho bendekele kuli Mosesa ngwabo, "Kumani mwafwa ya kweneka bimbumba mu Ingito, mukemwo wa tunene kuno mangana tuthsile mu mambo? Bikajo watu lingila muje, kutu tunditha mu Ingito? ¹² Ebi kethi bikebyo twa kulekele mu Ingito? Twendekele kuli yobe ngwetu, "Tweche, mangana tupangele ba Ingito. Ngwe chabwaeleko yetu ku bapangela kupulakana kuthsila mumambo." ¹³ Mosesa wendekele kuli banu ngwendi, "Kethi muthzibe lyoba. Thimpeni lika cho mumone kwoboka chije Njambi a milingila cho lelo. Mwafwa ku mukabamono lalo ba Ingito aba muli na kumona lelo. ¹⁴ Yeni Njambi amilwila, cho yeni cheni kuthimpa lika." ¹⁵ Cho Shukulu wendekele kuli Mosesa ngwendi, "Bikajo yobe, Mosesa, wa twalelelao kuthana kuli yange? Leka ba Isalela baye kulutwe. ¹⁶ Jundula mbweti yobe helu, ipupe a kalunga ndonga na liboko lyobe cho umu pange abali, mangana banu ba Isalela , bathe kwita mu kalunga ndonga a libu lya kuma. ¹⁷ Uthzibuke ngwobe nji ka kulwitha bi mbunge bya baka Ingito cho mangana baka bakabe munima. Njika tambula bulemu mwafwa ya Falo na mashwalale bendi boshe makalu endi oshe, na banalume bendi bakenda a tubalu." ¹⁸ Choni ba Ingito ba katzibuka ngwabo yange Shukuluomu oni nge njatambula bulemu mwafwa ya Falo, makalu endi, na banalume bendi ba kendetha tubalu." ¹⁹ Kangelo wa Njambi uje wakele na kwendela kulutwe lwa chilombo cha ba Isalela, wa shwenene na kwiluka kunima yabo. Ngithzi ya lishewa ya tundile kulutwe ya ile na kwimana kunima yabo. ²⁰ Lishewa lyethzile mukati ka chilombo cha ba Ingito na chilombo cha ba Isalela. Lyapwile lishewa lya lithuthulungu kuli ba Ingito, oloni lya munikile na thimbu ya buthsiki kuli ba Isalela, mangana bali thambwa imo kethi baije ku yei na ba kwabo mu buthsiki kwoshe. ²¹ Mosesa wolwele liboko lyendi a kamwa ya mema a kalunga ndonga. Shukulu wa huhwithile liuthzi lya kama kutunda mu mbwela buthsiki bwoshe na kalunga ndonga womine chau. Muchifwa echi mema ali pangele a kati. ²² Ba Isalela betile mukati ka kalunga ndonga a libu lya kuma. Mema aba pangele mbango ku chilyo na ku chimoshwe. ²³ Ba Ingito ba kabangeyeyele na mukati ka kalunga ndonga - boshe tubalu ba Falo, makalu, na baka kulonda ha tubalu. ²⁴ Oloni ku mulungulungu wa kukya, Shukulu wa kengele ha mashwalale baba Ingito kwitila mu nguthzi ya tuya na lishewa. Wanene bitanga mukati ka ba Ingito. ²⁵ Mawili a makalu abo athakamenene, na baka kwendetha tubalu ba wanene bukalu bwa kwendetha. Cho ba Ingito bendekele ngwabo, "Tuyeni tutewe kutunda kuli ba Isalela, mwafwa Shukulu ali na kubalwila ku tengulukika yetu." ²⁶ Njambi wendekele kuli Mosesa ngwendi, "Olola liboko lyobe a kamwa ya kalunga ndonga mangana mema a kupule ba Ingito, makalu abo, na ba ka kwendetha tubalu." ²⁷ Cho Mosesa wolwele liboko lyendi helu ya kalunga ndonga, cho athimbu ya mutondo ka lilwithile muje kakele laja. Ba Ingito ba tewelele mu kalunga ndonga, cho Shukulu wa thindikilile ba ka Ingito a kati kayo. ²⁸ Aje mema elukile na kufwika makalu, baka kwendetha tabalu, na mashwalale boshe ba Falo baje bakabangeele makalu mu kalunga ndonga. Naumo wai wobokele. ²⁹ Nameme ngocho, ba Isalela bendele alibu lya kuma akati ka kalunga ndonga. Bakebo aje mema akele bimbango ku chilyo na ku chimoshwe. ³⁰ Cho a lije litangwa Shukulu wamenene ba Isalela kutunda mu liboko lya ba Ingito, cho ba Isalela ba mwene ba Ingito banathsi a ngenge ya kalunga ndonga. ³¹ Omu ba Isalela ba mwene thzili ya kama Shukulu ya pangethele ali ba Ingitu, banu ba lemethele Shukulu, cho ba kulaelele muli Njambi na muli ngamba yendi Mosesa.