¹ Cho Mosesa na banu ba Isalela bembilile Shukulu ou mwatho. Bembile ngwabo, "Njikembila Shukulu, mwafwa natha na bumpau; tubalu na baka kubalonda na bombila mu kalunga ndonga. ² Shukulu ikeye thnzili yange na mwatho, cho napu ikeye kwoboka change. Ou ikeye Njambi yange, cho njika mushangala, ³ Njambi ya tate, nji ka mushangala manene. ⁴ Nombilile makalu na mashwalale ba Falo mu kalunga ndonga. Bakulunu ba thzita ba Falo bathzubilile mu kalunga ndonga wa mahongo. ⁵ Kuloba cha bafwikile; baile kwithi ngwe limanya. ⁶ Liboko lyobe lya chilyo, Shukulu, lya thsimanena mu thzili; liboko lyobe lya chilyo, Shukulu, linonwetha bitothzi. ⁷ Mu thzili yakama una tundithile baje bakele na ku kukwitha. Wa tuwithile kulenuka chobe cha kama; cha nyongethele ngwe bisheshe bya tiliku. ⁸ Muku pempa chobe mu majulu mema ali kungwililile amo; aje mema amuta emanene na kuli kungwilila amo kulinga mutumbo; mema a kuloba a kalunga ndonga ali kwatele mukati kweta na athi. ⁹ Chitothzi wendekele ngwendi, "Nji kaba kabangeya, nji kabatubakana, nji ka pangethzela bufuko bwabo; njika linga byoshe njika shaka kubalinga; njika shomona mukwale wange; njika banyongetha na liboko lyange.' ¹⁰ Oloni wa huwithile liuthzi lyobe, cho kalunga ndonga ka ba fwikile; ba shelamene nge shumbu mu mema a thzili. Iyajo na lifu nobe, Shukulu akati ka njambi? ¹¹ Iyajo na lifu nobe, wa wa kukomketha mu kuthzila, ibashangala na kathingimiko, kulinga bya ku komowetha? ¹² Wa kwatele na liboko lyobe lya chilyo, cho na kaye ka ba minine. ¹³ Mu chikumiyo chobe una twamenena banu bobe ba wobwele. Mu thzili yobe wa ba twalele ku mwela wa kuthzila kuje ku wakala. ¹⁴ Banu bakathziba, cho bakajaja; kuli jakamena chika kwata banu ba ku Filisita. ¹⁵ Choni bimyene ba mu Endomu baka thziba lyoba; mashwalale bamu Moambi ba kajaja; banu boshe ba mu Kanana ba katewa. ¹⁶ Lyoba na munjunju bika kala muli bakebo. Omu wa thzili ya liboko lyobe, ba kapwa ba kwoloka ngwe limanya noo banu bobe ba kaita, Shukulu - noo banu ba u nobwele ba neti. ¹⁷ Uka banena na ku bakuna a lihindu lya bushwana bwobe, a mwela, Shukulu, uje u una bwaetha kuyoyelamo, mwa kubanda, Shukulu yetu, chije maboko obe ana tungu. ¹⁸ Shukulu a kayula haya myaka na myaka ¹⁹ Mwafwa tubalu ba Falo bakobelele amo na makalu endi na baka kulonda tubalu mu kalunga ndonga. Shukulu weluthile mema a kalunga ndonga na kuba kupula. Oloni ba Isalela bendele a libu lya kuma akati ka kalunga ndonga. ²⁰ Miliamu uje kapolofeto wa munakathzi, ndokathzi wa Moni, wambatele kalyalya, cho banakathzi boshe baile na tulyalya, na kukina amo nendi. ²¹ Miliamu wa bembilile ngwendi, "Imbila Shukulu, mwafwa na hyana na bumpau manene. Kabalu na mu ka kumulonda na bombila mu kalunga ndonga." ²² Cho oni Mosesa wa twaleleleho ku twamenena ba Isalela kutund a kalunga ndonga ka mahongo. Bakobelele mu mambo ya Shaaa. Bendele matangwa atatu cho ku bawanene mema. ²³ Cho oni betele ku mutambela wa Mala, oloni ku bathele kunwa mema akuje mwafwa a lulile. Cho ba thanene uje mwela ngwabo Mala. ²⁴ Cho banu ba yayabalele kuli Mosesa na kwendeka ngwabo, bika tunwa?" ²⁵ Mosesa walililile kuli Shukulu, cho Shukulu wa mumwethele muti. Mosesa wa chumbilile mumema, cho na mema a tobalele mu ku eanwa. Akeo bene aje Shukulu wa banene lishiko lya kama, cho akeo bene aje wa bethekele. ²⁶ Wendekele ngendi " Oshe mu thzibilila bwino ku lijhwi lya Shukulu Njambi yeni, na kalinga bya bibwa kumesho endi na oshe mutolilila mashiko endi na ku wononokela ku nji kaka nambe umo mushongo ali yeni ngwe ije injakele ali ba Ingitu, mwafwa yange nji Shukulu yeni muka ku mikangwetha." ²⁷ Cho oni banu betele ku Elimu, kuje kwakele mabwelu bwelu a mema likumi na mabwelu - abali na miti makumi atanu na abali a mashakabale. Bakele chilombo kuje kuyei na mema.