Lipisaromu. 1 Oh, yimbenu kwa Hompa rushumo rwarupe, ghuye kwarughana vininke vyashitetu; lighoko lyendi lyarulyo narukokona lyavapa ghufundo. 2 Hompa ghuye ghayivitire liyoghoko lyendi; ghuye kwavineghedire kwankehe ghuno limanguruko lyendi kwadimuhoko nadintje. 3 Ghuye kuvhurukita shihoro lyendi shakukarererapo naghushiri-shiri wakuyulilira mundjugho yavaIsraeli; maghuhura naghantje ghantunda yalivhu ngagha kenga ghufundo waKarunga wetu. 4 Yiyirenu naruhafo kwaHompa, namuvantje pantunda yalivhu; tumbenu marushumo, yimbenu muruhafo, nakumuyimbira likukangango. 5 Yimbenu likutangango kwaHompa navivetito, navivetito ntani namarushumo ghakudameka. 6 Narumbendo narushaghalito rwambinga, renkenu ruhafo rwamuyoyo kumeho yaHompa, Karunga. 7 Renkenu lifuta liyiyire ntani navintje vyakaromo navyo vyatungomo! 8 Renkenu dimukuro dikanderere maghoko ghado, ntani renkenu ndundu diyiyire muruhafo. 9 Hompa kuna kuya ngaya pangure ntunda yalivhu; ghuye ngapangura ghudjuni nadimuhoko naghupongoki nka nalimanguruko.