1 Hompa ngapangera; ano dimuhoko ngadi kankama. Ghuye kwashingira pashipundi shaghure navaengeli; nalikanko livhu. 2 Hompa munene muSiyoni; ghuye kwamuyerura kuwiru yadimuhoko nadintje. 3 Renkenu vamutangaghuke mughunene ntani mughuwa walidina; ghuye nka ghapongoka. 4 Ghuye hompa nkondo, ntani ghuye ghahora ghumanguruki. Ove watulitapo ghushiri wakuwapera; ove warughana vyaghupongoki nalimanguruko muvaYakobu. 5 Tangaghukenu Hompa Karunga wetu nakumukarera kushipundi shakulighuru lyendi. Ghuye ghapongoka. 6 Mosesi naAroni mbo vakaliro vamwe vakareli vendi ntani Samweli ghumwe ghakaliro kayitango lidina lyendi. Vavo kavamuyita Hompa Karunga, ngoli ghuye kavalimbururanga. 7 Ghuye ghaghambire navo kutundilira pangundi yaliremo. Vavo kwakwamine marawiro nashivanikito ovyo ghuye ghavapire. 8 Ove wavalimbulire, Hompa Karunga wetu. Ove Karunga wakughupirapo wakalire kwavo, ano ngoli nka ghuye kavatengekango virughana vyandjo davo. 9 Tangaghukenu Hompa Karunga wetu, ntani mumukarere kundundughona yendi yakupongoka, ngoli Hompa Karunga wetu ghapongoka.