¹ Oh yenu, tuyayimbe kwaHompa; tuyayimbenu naruhafo-hafo kwaliwe lyetu liyoghoro lyetu. ² Tuyangene mulimoneko lyendi nakumupandura; tuyayimbe kwendi namapisarome ghalitangango. ³ Ngoli Hompa Karunga wamuwa ntani hompa munene kupitakana vakarungaghona. ⁴ Mulighoko lyendi kwakaramo ghure wantunda yalivhu; ghure wandundu yendi. ⁵ lifuta nalye lyendi, ghuye ndje ghalishito, ntani lighoko lyendi ghalishito nka. ⁶ Oh yenu, tuyamukarere nakuyamunyongomena; tuyamutongamene kumeho yaHompa, mushiti wetu. ⁷ Ngoli ghuye Karunga wetu, ntani atwe vantu vendi ghamalyero ghendi naghavindjwi lyamulighoko lyendi. Nane panamuntji, kuvhura muyuvhe liywi lyendi! ⁸ Washa kolita mutjima ghoye, yira vaMeriba ndipo mayuva ghavaMasha mumburundu, ⁹ oko vantjetikire vakurona venu, nampiri ngoli vakengire vyaviwa navarughanine. ¹⁰ Ngoli mwaka murongo ne ame kwagarapire naruvharo runya ntani nakuvatantera, 'Vano vantu vande dimutjima davo kukutjindja-tjindja. ¹¹ Ano ngoli ame naghanine mughugara wande ashi ndi kapi ngava ngena mulivango lyalipwuyumuko.''