1 Hompa kupangera; ghuye mudwato wendi washinaghuhompa; Hompa ghuye ghakudwateka mwene naghunankondo. Ghudjuni kwaghutenteka pamwe; wagho kwato kughushenyita. 2 Shipuna shoye kwashitentekapo kutundilira mumwaka pita; ove kwatundilira kwanaruntje. 3 Mafuta kwafuranga, Hompa; vavo vayerura naywi ghavo muwiru; mankupi walifuta kupupa nakukupita. 4 Pawiru opo ghakupitanga mafuta ghamangi; munankondo wakutavaghura mafuta, Hompa pawiru yaghunene. 5 Marawiro ghoye ghagho kuhuguvalita ghunene; ghupongoki ghoye wakarereramo mundjugho yoye; mayuva ghoye mare ghunene.