Lipisaromu, rushumo rwaliyuva lyaShabatha. ¹ Vininke vyaviwa kutapa mpandu kwaHompa nakumuyimbira litangango kulidina lyendi, Shankendengere, ² kuyuvhita likukwatakano lyoye lyaghushiri-shiri nkehe ngurangura ntani ghushirighoye wakuyura nkehe matiku, ³ nashivetito marughodi murongo nangovera darumbendo. ⁴ Ngolive, Hompa, ghakutura muruhafo kupitira muvirughana vyoye. Ame ngani yimba muruhafo mukonda vavirughana vyamaghoko ghoye. ⁵ Virughana vyoye vinene ghunene, Hompa! Maghayadaro ghoye maneneghunene. ⁶ Muntu wamuvaya kapi ghayiva, ndipo mugova ghavikwate lighano vino. ⁷ Ngoli opo vakuhananga vantudona yira mushoni, nampindi varughanidona opo vyavawapanga navintje, shimpe vavo kuvafuka lidjonaghuko lyanaruntje. ⁸ Ano ngoli ove, Hompa, ngaghupangera nanaruntje. ⁹ Vyaghushiri, kenga vanankore voye, Karunga! Vyaghushiri, kengera kuvanankore voye. Vavo ngavamyoka! Navantje ovo varughanango ghudona ngava hanaghuka. ¹⁰ Ove wayerura mbinga dande yira mbinga hove damuwiya; Ame vangwaveka namaghadi ghamape. ¹¹ Mantjo ghande ghakenga lihanaghuko lyavanankore vande; matwi ghande ghayuva limyoko lyavantu vavavaya. ¹² Vapongoki ngavaviyara yira shitondo shavikereva; vavo ngava kura yira vitondo vyamuLebanoni. ¹³ Vyavyo kwavitapekanga mundjugho yaHompa; ngavi viyara mushipata shaKarunga wetu. ¹⁴ Vyavyo kuyima nyango nampiri vyavyo vinakurupa; vyavyo kukara viteke nashinamahako, ¹⁵ kunakutanganga shi Karunga muwa. Ghuye ndje liwe lyande, ngoli mwato ghuhedana mwendi.