¹ Ghogho ghatungo mundjugho yaShankendengere ghuye ngakara mumundunduma waKarunga munankondo. ² Ame ngani ghamba vyaKarunga, ''Ghuye ndje ghuvando naghuyeyameno wande, Karunga wande, mwendi nahuguvara.'' ³ Ngoli ghuye ngakupopera kuvashani varushongo ntani navadipaghi vavanene. ⁴ Ghuye ngakufukilira namavava ghendi, namunda yamavava ghendi ngaghawana ghuvando. Lihuguvarolyendi lyenene-lyene shikukandulito naghupopeli. ⁵ Ove kapi ngaghukara naghoma wamahudi muruvede rwamatiku, ndipo ngumba dakutembera-tembera muwiru mwi naghuntje, ⁶ ndipo mahudi ghakarango mumundema, ndi walye lidjonaghuko lyashorokango metaha. ⁷ Vantu liyovi ngavawe kurupati roye ntani mayovi murongo kurulyo rwa lighoko lyoye, ano ngoli kapi ngava tika koye. ⁸ Ove ngaghu kengera tupu nakukenga matengekero ghavantudona. ⁹ Ngoli Hompa Karunga ndje ghuvando wande! Tura nove Shankendengere ghakare ghuvando ghoye. ¹⁰ Kwato ghudona ngaghumupitakano; kwato lihepeko ngali muyero mumandi ghenu. ¹¹ Ngoli ghuye nganegheda vaengeli vendi vamupopere, kumupititira nwe mundjira denu nadintje. ¹² Vavo ngava yerura muwiru maghoko ghavo mposhi kapishi ngamupunduke lighuru muliwe. ¹³ Anwe ngamudipagha vanyime namayoka munda yampadi denu; ngamutompeka vanyimeghona namayoka. ¹⁴ Mukondashi ghuye ghakuturamo kwande, ame nganimupopera ghuye mukondashi mupongoki kwande. ¹⁵ Opo ghandjitanga, ame kumulimburura. Ame ngani kara naye mumaghudito; Ame nganimupa lifundo kumwe nakumufumadeka. ¹⁶ Ame ngani tikitamo mayuva ghendi ngaghakare ghamare, ntani nganimupa liyoghoko lyande.