¹ Ndapero yaMosesi muntuwaKarunga. Hompa, ovewakalire mupopeli wetu munavintje vyapito mukutundawanuke. ² Kumeho ndundu dikutende. ndipo ovewatendo livuntani naghudjuni, kutunda kukudiyama dogoro kukudiyamenena, oveKarunga. ³ Ovewavyuta vantu kumbundu, ntani oveghuna ghambashi,'' Vyukenu, oveghumwe wavo wavantu navantje.'' ⁴ Mumwaka mayovi mafere murongo mukukenga koye meshi yirapaliyona parushirugho shapito, ntani yiraviri mumatiku. ⁵ Ovewava kombelire vavo kwaghure kumwe naruhandjontani namararo ghavo; kungurangura vava yiramushoni ghunakushontjo ghukure. ⁶ Kungurangura kukukura ntani kukura viyeruke; kumatiku vyavyo kukasha ntani kukukuta kuwiru. ⁷ Ghushiri wene-wene, atwe twarughanitire nkondo mughugara ghoye, ntani mughugara ghoye waghunene atwe tuna karanaghoma. ⁸ Ove watura ghukarodona kumeho yoye, ndjodetu odo dahoramo mulimoneko lyashite shoye. ⁹ Liparu lyetu lyapita kare mundayaghugara ghoye waghunene; mwka detu dakwangulire kupita yira wakushetangana. ¹⁰ Mwaka detu dimurongo rontantatu ntjene atwe tuvakanguki; enengoli mpindi mwakadetu dakuhova vaditure daghukorokotji ntani naruguvo rwarunene. Nhii, vapitire wangu wangu,ntani atwe tuka kwapeke. ¹¹ Are ayivolikuwapayikiro lyoye lyaghugara, ntani ghugara ghoye waghunene oghowashetakano nashinkakukoyendi? ¹² Mposhi tushonge atwe mukutwikira liparu lyetu mposhi atwe kuvura ngatuvangere pakutunga. ¹³ Vyukenu kuruku, hompa! Shirugho shakutikapani ngavikaravino? Karanankenda kuvakareli voye. ¹⁴ Tukukite atwe ngurangura nalihuguvalitolyoye kulikuguminino mposhi atwe ngatuhafe ntani ngatuvipande mumayuva ghetu naghantje. ¹⁵ Turenke atwe tupandure mughungi kumayuva oghongaghutukomberera atwe ntani kumwaka dotwanongonona ghukorokotji. ¹⁶ Renka vakareli voyevakenge virughana vyoye, ntani renka vanaveta vakenge ntateko yoye. ¹⁷ Kuvura liruwaneno ghuwa lyakwaHompa Karunga wetu akare wetu; gwanekilitiramo kuvirughana vyakumaghoko ghetu; moomo, watikitiliramo virughana vyetu vyakumaghoko.