Ruvambi 82
1
Lipisamu lyaAsafi
Karunga ayimana mukuwapukurura vovapongiro; mukatji kavakarunga ghuye avatere mukukutondorora.
2
Shirugho shakutika pani ngaghutondoghora kulirenkereromo ntani nakunegheda liruwaneno ghuwa kuvakavikaradona? Shera.
3
Kupopera vahepwe ntani vakudiravashavo; lipakero mbiri mughuhunga kulivango lyaghuporongwa ntani lidiro mundi:
4
Kupopera vahepwe ntani nakuvashana; vaghupenu mumaghoko ghavakavikaradona.
5
Mpindi vayive kwatokukwata lighano; vavo vatetuke vyakundurukido mundema; nalintje litameko lyaghudjuni kubamaghura.
6
Ame naghamba, ''Ove vakarunga ntani navanavoye navantje vavakafumu vaghungi kwakunene.
7
Kwato nakadidishi ove ngaghufe yira mukafumu ntani ngaghufane yira ghumwe wamonahompa wamukamali.''
8
Shapukenu, Karunga, kunakufutita ghudjuni, kukwenunwe mwapingo kwanadintje dimuhoko.