¹ Karushumo. Kapisalamu lyaAsafu.

Karunga, narumweshi kumwena! Narumweshi kudira kutupakera shinka atwe ntani nakurerera shinakuvurashi kuyenda, Karunga.

² Kenga, vanankore voye kunakuyoghotera ghunene, ntani navantje ovo vakunyengove vanayimiki dimutwedavo. ³ Vavo ghunankore kushirughanadona navantu voye ntani likuyuvo lyavokumwe kughunankore kwavoyevo watakamitanga. ⁴ Vavo vanaghambashi, ''Yenu, ntani nakutushuva atwe tuvadjonaghure mukukarashi muhoko. Makura lidina lyavaIsraeli kwatonka kulivuruka.'' ⁵ Vavo vakalire namafaneko kumwe nalitateko; kughunankore nove vavovakalire mulikuyuvo. ⁶ Ovino kuwedererako natende daEdomu ntani naIshimalite, ntani navantu vaMowaba navaHagiritesi, ogho atungo kumwe ⁷ naGebal, Ammoni, Amaleki; vyawedilireko Filistiya ntani nakatunga muTiyire. ⁸ Assiyiriya naye arughanine kumwe navo; vavo vavetelite ghumwe wavo waLoti. Shera. ⁹ Rughana kwavo yiramomo warughanine kwaMidiyani, shimpe yiramomo warughanine kwaSisera nakwaJabina wakumukuro waKishoni. ¹⁰ Vavo vakadongonokire kuEndori ntani avakakara yira rutoko mughudjuni. ¹¹ Vavo avakara namakorangedo yira Orebi naZeebi, ntani navantje vanavahompa vavakamali yira Zebaha naZalimunna. ¹² Vavo avaghambashi, '' Tokwenu tukughupire naghumwetu olyolivango lyamushoni lyaKarunga'' ¹³ Karunga wande, vature vakare yira likundungu lyalinene, yira muti ntani mpepo, ¹⁴ yira mundiro wakushora mutitu, ntani yira linkumpi lyakutura mundiro kundundu. ¹⁵ Vatjide vavo nampepo yoye yankondo, ntani nakuvatjilita nalikundungu lyoye lyamawe. ¹⁶ Yuda vipara kuvatura kuntjoni mposhi vavo ngavashane mbatero kulidina lyoye, Hompa. ¹⁷ Kuvura vavo kuvatura kuntjoni ntani naghoma wanaruntje; kuvura vavo ngavadongonoke mulidiro lifumadeko. ¹⁸ Makura vavo ngavayivashi ovepentjoye, Hompa, wamulyo ghunene mughudjuni naghuntje.