Ngoli mupititili wangovera, pakitara yakuvetita. Lipisaromu lyaAsafi, rushumo. ¹ Karunga ghakuyivita mwene kuvaYuda; lidina lyendi linene muIsraeli. ² Ntanda yendi muSalemu; livango lyendi lyaghupongero muSiyoni. ³ Kwako ghuye ghatjora ngumba naghuta, shikukandulito, rufuro navirwita vyakukukare. ⁴ Ove kumoneka ghunene nakunegheda ghuntungi ghoye, opo waghurumuka ghutundilire mandundu, oko wakadipayire vankore. ⁵ Vantu vavawa kwakavapondikire; vavo ghavafererere. Varwani navantje vyavavhulire. ⁶ Kulishweneno lyoye, Karunga waYakobu, murondi nankambe ghadiferere. ⁷ Ove, koye vene, vakutjire; ghare wakuvhura kuyimana mumantjo ghoye nange ghuna garapa? ⁸ Kutundilira muliwiru ove watulire mpanguro yoye vayiyuvhe; ntundayalivhu yatjire ghoma nakumwena ⁹ opo, Karunga ghashapukire ghatape mpanguro kumwe nakupopera vanyandi navantje pantunda yalivhu. ¹⁰ Vyaghushiri lipanguro lyoye lyaghugara lyakara ghunkore naghuntu ngatu kuyitira likutangaghuko; ovo ngavahuparopo ngava kuyimbira nakukutanganga. ¹¹ Ghanenu kwaKarunga Hompa wenu kumwe nakuvikwama. Mpongolishi nkehe vana vamukundurukido ngava muyitire ndjambo kwendi ghuye ogho vatjira. ¹² Ghuye kutetako mpepo davavana vavakafumu wahompa; ghuye kwamutjira vahompa vapalivhu navantje.