Mupititiri wavambimbi; vaviwapayika kuvaAli Tashihethi. lipisaromu lyaAsafi, rushumo. 1 Atwe kutapa mpandu koye, Karunga; atwe kutapa mpandu, ove kutunegheda limoneko lyoye; vantu vavo kutanta virughana vyoye vyashitetu. 2 Pashirugho nafanayika ame ngani pangura mughuhunga. 3 Nampiri ntundayalivhu navatungimo navantje ngavakunyunge kughoma, ame ngani kwaterera ngudi dantunda yalivhu. 4 Ame naghambire naghugara, ''Washa garapa,'' kuvarughanidona, ''Washa yerura mbinga. 5 Washa yerura mbinga doye kwaghurere; washa ghamba nantingo yakunekadara.'' 6 Kapishi kutundilira ghupumeyuva ndi kutundilira kughutokero, waronka kapi kutundilira kumburundu olyo liyeruko lyatundilira. 7 Ano ngoli Karunga ndje mupanguli; ghuye ndje ghaghurumwitango nakuyerura kuwiru. 8 Ngoli Hompa kukwaterera mulighoko lyendi nkinda yakuvira vinyu, oyo vanavhongo nantungu, mbyonka vanaviteremo vitundemo. Vyaghushiri vantuvavadona navantje pantunda yalivhu ngavanwa dogoro kuruhulilira. 9 Ano ngoli ame ngani twikira kutantera ovyo warughana; ame ngani kuyimbira nakukutangaghuka kwaKarunga waYakobu. 10 Ghuye kughamba, ''Ame ngani tetako mbinga nadintje davarughanidona, ano ngoli mbinga davakakupongoka ngadikarerera dinayeruka.''