Kwamupititili yimbiti. Pisaromu lyaDaviti; muyiyita mulivhuruko. 1 Ndjoghore, Karunga! Karunga, yawangu nakuyambatera. 2 Renka ovo vanakushano kundipagha vafentjoni nakurengwa; varenke vavyuke nakutwara lishwaghu, ovo vanakuhafero tjutju yande. 3 Varenke vavyuke mukonda yantjoni davo, ovo vana kughambo, ''Aha, aha.'' 4 Renka navantje ovo vanakukushano-shano vahafe nakushanga mumoye; Renka ovo vahoro liparu lyoye vaghambe kehepa, ''Karunga vamutangaghuke.'' 5 Ngoli ame nimuhutu naghuhepwere; kwangurako kukwande, Karunga; ove muvateli wande nakundjoghora me. Karunga, washakuranga-ranga.