Kwamuyimbi wahompa, wamu Ali Tashihethi. Pisaromu lyaDaviti. ¹ Ghanwe vapangeli kaghamba ghuhungami? Mwapanguranga nawa nawa, ghanwe vantu? ² Hawe, mwawananga nyata mudimutjima denu; mwataperanga lidjonaghuko muvirongo mumaghoko ghenu. ³ Vanandjo kuyenda vashongaghure ghurughane vyavidona nambindi vanakara mushivarera; Vavo kuyenda vashongaghure pakushamburuka, mukughamba vimpempa. ⁴ Ghushungu wavo yira ghushungu waliyoka; vavo yira shiyuvito shalitwi shashayikitango litwi kukuyuva, ⁵ Olyo lyapirango kukwata lighano kuliywi lyavapukiti, nampindi weni vakara naghunandunge. ⁶ Tjora mayegho mutukanwa twavo, Karunga; tjora mayegho ghamanene mutukanwa twavanyimeghona, Hompa. ⁷ Vayengumune vatundepo yira momo ghapupanga mema; opo vatanta ngumba davho, varenkite vikare yira vighayara mposhi vadire kukara nashitambo. ⁸ Varenke vakare yira mbambangiri ghodo dayengumukango nakuyenda ditundepo, yira mwanuke wakudira kuyivilita kushamburuka wamukamali ghadiro kumona shite shaliyuva. ⁹ Kumeho ghuyude poto yoye namiya daghupyu, ghuye ngadighupapo navintje nalikundungu, miya daditeke namuya dakupya mwakukufana. ¹⁰ Vahungami ngavahafa opo ngavamona Karunga nakutondora ngayoya vinyanyu vyendi muhonde yavanandjo, ¹¹ Mpongoli vantu ngavaghambe, ''Ghushiri, mpoyili mfuto kwamuntu waghuhungami; ghushiri mpwali Karunga gho ghapangurango ghudjuni.''