Kwamuyimbi wahompa; ghanashungiri pa Ali Tashihethi. Pisaromu lyaDaviti. Ghopo ghatjilire kwaSauli mulikwina. ¹ Ghufenkenda wakuyulilira ghukarename, Karunga, kara nankenda yakuyulilira kwande, mpongoli naghupuvakanita koye dogoro kughushayero waghuno ghudito. Munda yamavava ghoye nakara kumbatero dogoro lino lidjonaghuko ngali shaye. ² Nganilira kwaKarunga wakuwiru, kwaKarunga, gho ghanduwaneno navintjeya me. ³ Ngatuma mbatero yitunde kuliwiru yiyampopere, ghanagarapa navo vana ndjonaghuro. Shera Karunga ngantumina vatumwa vendi vashinanga nashihoro nalipuliro lyakuyulilira ⁴ Monyo wande mukatji kavanyime; Nakara mukatji kavovanakuntjano kundipaya. Nakara mukatji kavantu vameyegho yira ngumba namaghonga. ntani navo vanakaro namaruraka ghakutwepa yira marufuro. ⁵ Kara mulyo, Karunga, kuwiru yaliwiru; renga ghuyerere ghoye ghukare kuwiru waghudjuni naghuntje. ⁶ Vana nteye likwe vifemo vinyanyu vyande; kapi nakalire nashinka. Vatimine likwina kumeho yande. Naghumwavo vawelilire pakatji kalyo! Shera ⁷ Mukatji wande ghunakumanga, Karunga, mutjima wande ghunakumanga; nganiyimba, nganiyimba makangayo. ⁸ Rambuka, mutjima wande walikuto, rambuka, kitara namarumbendo; kanirambwita vapalivu ⁹ Nganitapa mpandu koye, Hompa, mukatji kavantu; Nganiyimpa mukukukanganga koye mukatji kadimuhoko. ¹⁰ Mpongoli ghuwa wakutikitamo shihoro, ghunayatiki kuliwiru; nalipuliro lyakuyulilira kumaremo; ¹¹ Ghuyerere ghoye ghukare mulyo mughudjuni naghuntje.