¹ Kwamupititiri ndjugho davakughona, Yendenu kwaJonatthi elemi rehokimi. Pisaromu lyaDaviti. Amikatani; paruvete vamukwatire vaFilisteli muGathi. Kara naliferonkenda lyakuyulilira kwande, Karunga, vantu nakuhomokera! mayura naghantje shetakanita navantje vakundwanita nakutininika muhomo wavo. ² Mukehe ghure waliyuva vanankore kundjamame; mpongoli vangi vanyanya ovo vanakundwanito. ³ Ruvede natjiranga, ame kutura lihuguvaro moye. ⁴ MwaKarunga, wankango do nakangayanga mwaKarunga natura lihuguvaro; kapi nganitjira; muntu ghumwe nke nganduwana? ⁵ Mayuva naghantje ngavatjindja nkango dande; maghayaro ghavho naghantje ghakundwanita mukonda ya ndjo. ⁶ Kukupongeka naghumwavho pamwe, kukuvandeka naghumwavo, ntani vambalilire mpadi dande, shika yiramomo vatatilire monyo wande. ⁷ Washavarenka vatunde kuruwana vininke vyandjo nganda vantu kughugara ghoye, Karunga. ⁸ Wayiva vitetu vyande ntani tura maruntjodi mulikende lyoye; vavo mwato mumbapira yoye? ⁹ Mpongoli vanankore vande ngavakushighura muliyura nakutwenyidire; vino nayiva, ashi Karunga wande. ¹⁰ MwaKarunga -- mwankango nakangayanga, mwaHompa -- mwankango nakangayanga, ¹¹ mwaKarunga nahuguvara, kapi nganitjira. Vinke keheghuno nganduwana? ¹² Viruwana vyakuturapo mahuguvalito kwenu mwande vinakara, Karunga; nganitapa mpandu koye. ¹³ Mukonda wapopera monyo wande mumfa; wakwaterera maghuru ghande ghashawa, mposhi nganiyende kumeho yaKarunga, mushite shapalivhu.