¹ Kwamuyimbi wahompa; mundingo. Amashali lyaDavid.

Teya litwi kundapero yande, Karunga;

ntani washahorama naghumoye kulipuro lyande.

² Terera kukwande nakundimburura;

kapi nakara nalipwiyumuko mumaghudito ghande

³ mukonda yamaywi ghavanakore vande, mukonda yalinyokomeno mo lyavanandjo; mbyo vanayitiri maghudito kwande ntani nakuhepekererera mo mughugara. ⁴ Nakukankama munda yamushima wande,

likankamo lyamfa pande linawere.

⁵ Ghoma wago linhunene ntani likankamaya mwande,

ghoma waghunene ghuna mfikiriri.

⁶ Ghani tanta, ''Oh, ndi nakara namavava yira nkuti! ndi natuka nitundepo nakapwiyumuka. ⁷ Kenga, mpo ngoli ghanikatetukira kughure; ghanikakara mumburundu. ⁸ Ghani kwanguliri kumundulye nitunde kulikundungu lyampepo.'' ⁹ Vakwangulire kuvadipayapo, Hompa, rungurura liraka lyavho! mukonda namono lidjonaghuro nanavirwanaghura munkurumbara. ¹⁰ Matiku namwi kushananga kuyendanga kundjugho davho; Ghundjoni naghukarodona ghunakara mukatji kavyo. ¹¹ Ghukarodona ghunakara mukatji kavyo; linyokomenomo nalitongonono napempa kapi likare mumandjira yavho. ¹² Mpongolishi kapishi vanankore vantjweninino, ndi navishitire; nkwandi ndje pamundinda ghanyengiro gho ghakutuliro pawiru panaghumwendi ghandwanite, ndi navandire panaghumwande nitunde kwendi. ¹³ Ngoli wakalire ove, murume wakushetakana panaghumwande, ghunyande namuholi wande wamunene. ¹⁴ Twakalire nalikukwatakano lyaliwa natuvantjeya; ghatuyendi mulipata lyaKarunga nankata. ¹⁵ Renka mfa dimoneke wangu pavho vangandere ghuyumi vawere mushirongo shavafe, mpongolishi vanandjo nkovashwa kutunga, ghuwa mukatji kavho. ¹⁶ Mpongoli kwande, nganiyita kwaKarunga, ntana Hompa ngampopera ame. ¹⁷ Matiku, ngurangura nametaha nganimushivanena nanakuyiyira kadidi shirugho shashire; mposhi ngayure liywi lyande. ¹⁸ Ghuye nawa-nawa ngapopera liparu lyande muvita vyandwanitiro, mukonda ashi ovo varwanino name vangi. ¹⁹ Karunga, ogho ghavalikiro kupangera kushakare, kavayuva nakuvafita ndjoni yira kwato vayiva. Shera kapi vakutjindjire ntani kapi vatjilire Karunga. ²⁰ Muholi wande ghakutura maghoko pawiru ghavareke kurwanita ovho vakaliro nampora kwendi; kapi ghafumadeke likukwatakano gholyo ghakalire nalyo. ²¹ Kanwa kendi kakalire ghusheremede yira mbuta, ngoli mutjima wendi kapi wamangunikire; nkango dendi kapi dakalire namukumo yira maghadi, ngoli wakalire nashinka kumarufuro. ²² Tapenu maghudito ghenu kwaHompa, ngamutambura; kapi ngapulidira vahungami kuyenda naghoma. ²³ Ngoli ove, Karunga, ngayita vanandjo palivhu mulikwina lyalidjonaghuko; Vadjonaghuli navaghambi vimpempa kapi ngavaparuka shirugho yira vaghunyaro, ngoli nganihuguvara mwenu.