Kwamuyimbi wahompa wa Ali Tashihethi pisaromu lyaDaviti. Ghopo ghatumine Sauli, ghavamukengere mundjugho vamudipaye. ¹ Mpopere kwavanankore vande, Karunga wande; nture nikare kuwiru nitunde kwavo vanakundwanito. ² Mpungure kulivango lyakuwapera nitunde kwavavaviruwana vyavanandjo, mpopereme kwavantu valinota lyahonde. ³ Mposhi, kenga, nakuntanterera muvishwa vaghupe liparu lyande varume vankondo ghunene vanakupongeke naghumwavho vandwanite ngoli kapishi mukonda yandjo dande, Hompa. ⁴ Vavo nakukuwapayikira vatukire kwande nampindi ngoli ghame kwato mapuko rambuka ghumpopere kukenga. ⁵ Ghove, Hompa Karunga wakukarererapo, Karunga wava Israeli renka nakutengeka dimuhoko nadintje; kapishi ghukare naghufenkenda kwakehe ghakaro nandjo. Shera ⁶ Kuvakavyuka matiku, vayalire kudameka ghunene yira mbwa ntani kuyendaghura nkurumbara nayintje. ⁷ Kenga, movana kuyiyira; marufuro mutukanwa twavo, nko kutanta nkashi, ''Ghare ghatuyuvo twe?'' ⁸ ngoli koye, Hompa, vashepe vavo; wakwaterera dimuhoko nadintje kapi dakara namulyo. ⁹ Karunga, munankondo wande, ngani kwata lighano koye; ove wande wakuwiru. ¹⁰ Karunga wande ngagwanekera name nalikukwatakano lyalipuro lyakuyulilira; Karunga ngandenkita nimone ghuwa wande muvanankore vande. ¹¹ Washa vadipaya, ndi vantu vande ngavavurama vavukume naghunankondo ghoye, nakuvawita, Karunga mupopeli wetu. ¹² Mpongoli kundjo damukanwa davo nakunkango dakungevo davo, vakwatenu kutwara mwavyo vayititapo navipempa vanakurughana. ¹³ Vadjonaghurepo naghugara, vadjonaghurepo mposhi ngavadire kukarapo varenke vayive Karunga kupangera rudi rwaYakobu ntani nakuntje washayera ghudjuni. Shera ¹⁴ Matiku ngavakavuka, kulira yira mbwa kuyendaghu munkurumbara. ¹⁵ ngavakara nashinka shakushana ndya ntani ngavanyanyene yira mwayandjara. ¹⁶ Ngoli ame nganiyimba kutwara ghunankondo ghoye ntani ngurangura nganiyimba kuhamena shihoro shakukarererapo! mpongoli ove wande wakuwiru ntani mukavita wande mumayuva ghande ghakudira kukara navinka. ¹⁷ Koye ve, munankondo wande, nganiyimba makanganga; mpongolishi Karunga liwiru lyande, Karunga walikukwatakano nalipuliro lyakuyulilira.