Kwamuyimbi wahompa. Masishili lyaDaviti; paruvede ghayire Doyegi waEdomite ghayire nakuyatantera Sauli, ghatante kwendi, ''Daviti ghanaya kundjugho yaAhimekeki.'' 1 Vinke ghunakuhafa mukumpame ghudito, ghove murume waghunankondo? Likukwatakana lyalipuliro lyakuyulilira lyaKarunga kuya nkeheliyuva. 2 Ruraka roye kwaghayaranga vyalidjonaghuko yira shiruwanita shaghutwe, vyakurughana vyamapempa. Wahora ghudona ghunene ntani ghuwa ntani kukonga kupitakana kughamba vyaghuhungami. Shera. 3 Wahora ghudona ghunene ntani ghuwa ntani kukonga kupitakana kughamba vyaghuhungami. Shera. 4 Wahora nkango nadintje dakukwangulita kughupapo vamwe, ghove warughambo rwamapempa. 5 Karunga ndjirayimwe ngakughupapo ghove mwanaruntje; ngakuyerura kuwiru nakukughupa ghutunde mukamba yoye nakukughupa ghutunde mushirongo shavinamwenyo. Shera. 6 Vahungami navo ngavavimona nakutjira; ngavashepa kwendi nakutanta, 7 ''Kenga ghuno ndje muntu ghapilire kurenka Karunga ghakare mupopeli wendi, ngoli ghuye ghahuguvalire mughungi walimona lyendi, ntani ghapapire opo vadipayire vaghunyendi.'' 8 Ngoli kwande me, Ame yira shitondo shashinamahako shaghundjwe mumundi waKarunga; nganihuguvaro kulikukwatakano lyalipuliro lyakuyulilirapo lyaKarunga kwanaruntje nanaruntje. 9 Nganikupandura mwanaruntje kwavyo wanduwanene. nganitaterera lidina lyoye, mukonda yaghuwa walyo, kulimoneko lyavantu vakukarera Karunga.