¹ Kwamuyimbi waHompa, tungenu muMahalate. Amasili lya David.

Mungova kutanta mumuntjima wendi, " Kwato Karunga." Vakonga ntani varuwana vya shidira vya ndjo; Kwato ghumwe gharuwanango vyaviwa.

² Karunga kukenga palivu kumbunga yavanavendi mukukenga nkene mpali ghakwato lighano, ghovo vamushano kurukurwendi.

³ Navantje vakushighulire . Navantje ghavapuka . Kwato ghumwe gharuwanango vyaviwa, nampindi ghumwe. ⁴ Ruwana vino gho ghadjono kapighavikwata lighano_

ghovo valyo vantu vande yira mboroto vanakulya ntani kapi vavayitire kwakarunga? Ghoko vakalilire,

⁵ vakalire mughudito waghunene, nambindi ngoli kwapilire konda yakuvayitita vakare naghoma; mpongoli shi Karunga ngatjoraghura vifupa vyavo ngavamuhomokero; ngamuva shwaghukita, morwa Karunga ghavashayikitire ⁶ Oho, liyoghoko lyava Isareheli ngalitunda muZighoni! Paruvende ngakayita Karunga vantu vendi vatunde mughumango, vaYakopu ngava shamberera na vaIareheli ngavahafa