Kwamuyimbi wahompa. Pisaromu lyaDaviti, paruvede ghoro mupumbi Nathani ghayire kwendi muruku rwakukara panyama naBathisheba. 1 Kara nankenda papande, Karunga, mukonda yalikukwatakano lyalipuliro lyoye lyakuyulilira; Mpo ngolishi mukonda yaliyingipiro virughana vyaliferonkenda lyakuyulilira, lyaghupopo muragho. 2 Ndjoye ghunene nitunde mundjo dande nakunkenita nitunde mundjo dande. 3 Paweno nayiva shi lidjono lyande, nandjo dande nkehepano kumeho yande. 4 Mukukurwanita ve, ghove mpentjoye, nadjona ntani narughana vyavidona kuruha roye; ghove nkehepano kughamba vyaghushiri; ghove ghumuhungami pakupangura. 5 Kenga, Ame kwandjita mundjo; mpopo vantjampurukire vanane, Ame mundjo kare. 6 Kenga, ghove wahora lihuguvaro lyalinene munda yamutjima wande; ntani ghove kuntjonga ghunongo mukaholya-holya mulivango lyamunda. 7 Nkenite nkushe me, ntani nimoneke ghukenu wakupitakana ndaghu. 8 Ndekite me niyuve rumwemwe naruhafo mpongolishi vifupa vyo watjolire vihafe. 9 Horeka shipara shoye kundjo dande nakufika maghundjoni ghande naghantje. 10 Yitiramo mwande mutjima wakukena, Karunga, nakuvyutiramo mpepo yakuponganga mumwande. 11 Kapishi ghungupe nitunde kumeho yalimoneko lyoye, ntani washaghupa mpepo yoye yakupongoka yitunde kwande. 12 Vyutidirapo pande ruhafo rwaliyoghoko lyoye nakuyiturapo yikarererepo papande mpepo yakupongoka. 13 Mposhi ngani shonge vandjoni ndjira doye, ntani vanandjo nakuvatjindja vayekoye. 14 Ngupirepo mukuteta honde, Karunga waliyoghoko lyande, ndi ngani kuwakuruhafo rwaghuhungami. 15 Hompa, paturura ngegho dande. nakanwa kande nineyede likangango lyoye. 16 Mpongoli ghove kapishi ngaghuhafe kulikudjambero, ndi nganitapa; kapi wakara naruhafo mukushora vitapa. 17 Vikudjambera vyaKarunga kwakara pepomupongoki yakudira kutikiriramo. Ove, Karunga, kapi ghanyenga vadimutjima daruguvo nakutjoka. 18 Rughana ghuwa mughughawoye walikuyuvo lyaliwa muSiyoni; dikururenu Yerusalemu. 19 Ntani ngamuhafa kumakudjambero ghaghuhungami, kundjambo yakushora nandjambo dakushora nadintje; mpongolishi vantu vetu ngavatapa ngombe kushidjambero shoye.