¹ Pandenu Hompa. Pandenu Hompa, anwe vamu mawiru; mupandenu, anwe ava mwakaro ghure muliwiru. ² Mupandenu, anwe vaengeli vendi namuvantje; mupandenu, namuvantje vamuwiru. ³ Mupandenu, liyuva nakakwedi; mupandenu, namuvantje anwe ntungwedi daketema. ⁴ Mupandenu, liwiru lyakundagha-ndagha nanwe mema ghakaro kuwiru. ⁵ Virenkenu visha shamberere lidina lya Hompa, mukondashi apangire, navintje avipu kushita. ⁶ Nampangera yendi apakitirepo navintje vikare naruntje, vyavyo nakuvhurashi kuyitjindja. ⁷ Mupandenu kutundilira palivhu, navikashama vyamulifuta nalitondo lyamema; ⁸ namaruvadi nakawe, materengendje namaremo, nalikundungu eli lyatikitangomo mpangera yendi. ⁹ Dimupande, ndundu nandundwena, vitondo vyanyango navitondo navintje, ¹⁰ Vikorama navimuna, vyakuvovana navidira. ¹¹ Pandenu Hompa, vahompa vapalivhu nadimuhoko nadintje, navahompaghona nanavantje vapangerango palivhu, ¹² navantje vamati navakadona, vakurona navanuke. ¹³ Navantje vapande lidina lyaKarunga, lidina lyendi tupu vafumadeka nashikoda shendi shapitakana livhu naliwiru. ¹⁴ Ghuye kwatapa mpangera kumuhoko wendi ashi ava vamuhuguvaro vamupande, vaIsraeli, navamaparambo vavo. Pandenu Hompa.