1 Pandenu Hompa. Muyimbirenu rushumo rwarupe; Muyimbirenu rupandu mulipongero lyavapuli. 2 Renka Israeli yishamerere mushiti vavo; renka vantu vakuSiyoni vashamberere Hompa wavo. 3 Vashamberere lidina lyendi nakudana; Vamuyimbire rupandu nangoma nashighumba. 4 Mukondashi Hompa kuhafera vantu vendi; ghuye kutungika vakukudidipita naliyovoko. 5 Vantu vaKarunga vahafe mukuketa; vayimbe ruhafo muvilika vyavo. 6 Rupandu rwaKarunga rukare mutunwa twavo namarufuro mumavoko ghavo 7 dakuvyutita rughoko dimuhokona vantu, 8 Vahompa vavo vavamange namaghuketanga navapangeli vavo namarughodi ghavikugho. 9 Vafutite dimuhoko momu vavitjanga. Yino ndjo mfumwa yavapuli vendi navantje. Pandenu Karunga.