¹ Panda Hompa! Panda Hompa, ove monyo wande. ² Ngani panda Hompa namonyo wande naghuntje; ngani muyimbira rupandu Karunga wande mpapa nakara namonyo. ³ Washa tura lihuguvaro lyoye muvapangeli, ndipo mumuntu ogho ngadiro kukuparura. ⁴ Pakutundamo monyo ghoye ove ngaghu vyukira kumbundu; muliyuva olyo maghayaro ghendi kudima. ⁵ Aragopa muntu ogho akaro naKarunga waYakobu shimukwafi wendi; oghu lihuguvaro lyendi mwaHompa Karunga wendi. ⁶ Hompa kwarughana liwiru nalivhu, lifuta, nanavintje vyakaromo; ghuye kutikitamo kehepano matwenyidiro. ⁷ Ghuye kupangwira ghuhungami ava vana kurenkereramo nakupa ndya vandjara. Hompa kumangurura vanadorongo; ⁸ Hompa kumahura mantjo gha vatwiku; Hompa kuyerura avavashentja; Hompa ahora vantu vavahungami. ⁹ Hompa kughamena vanavirongo mushirongo; ghuye kughamena vafita vavya navantiwe, ngoli ghuye kuhanaghura maghayadara ghavanandjo. ¹⁰ Hompa nga pangera kunaruntje, Karunga ghoye, Siyoni, wamaruvharo naghantje. Vamupande Hompa.