¹ Pisarome yaDaviti. Yuvha ndapero yande, Hompa; yuvha makushengo ghande. Mukonda yaghuhungami naghulimburukwi ghoye, ndimburure. ² Washa yenda mumpanguro namukareli ghoye, mukondashi kughuto ghoye kundereko muhungami. ³ Munankore kuna kunkwama-nkwama; ana ngavidere palivhu; Yayo kwantura nikare mumundema yira mbovo vafo kare-kare. ⁴ Makura mpepo yande yira tende mumwande; mushima wande ghutjirwe. ⁵ Ame kuna kuvuruka mayuva ghakapito; ame kuna kughayara navintje evi washita; Ame kuna kughayara virughana vyamavoko ghoye. ⁶ Ame kuna kuyandjo mavoko koye; monyo wande ghunafu linota koye yira livhu lyalikukutu. ⁷ Nkumbururo wangu, Hompa, mukondashi monyo wande kuna kudomba! Washa horekera shipara shoye, manashi nifana yira mbovo vana wero mushirongo shavafe. ⁸ Ndenke niyuvhe lipakero mbiri lyoye ngurangura, mukondashi nakuhuguvara. Neyede ndjira oyo nivhura kuyendera, mukondashi nayerura monyo wande kukoye. ⁹ Ndjovore kuvanankore, Hompa; kuna kutjilira koye ghumpopere. ¹⁰ Ndonge kuruwana shihoro shoye, mukondashi ove Karunga wande; Renka mpepo yoye yayiwa yimpititire mushirongo shavahungami. ¹¹ Hompa, mukonda yalidina lyoye, ndenke niparuke; Mughuhungami ghoye ghupa monyo wande mumaghudito. ¹² Mushihoro shoye tetako vanankore vande nakudjonaghura vanankore vande navantje, mukondashi ame nimukareli ghoye.