Rushumo rwaghukonentu rwaDaviti, apa akalire mulikombombo lyamawe. 1 Ame kuna kukugha likwafo kwaKArunga. Naliywi lyande nakumukushenga. 2 Ame kughamba nakumupa rushivano ghande naghantje; ame kumutantera maghudito ghande naghantje. 3 Nkene mpepo yande ayi dombo mumwande, wayiva ndjira yande. Vanankore vande vanteyera shiraha mundjira oyo napitanga. 4 Ame kukenga kurulyo rwande ninimone ashi kundereko nampiri ghumwe ogho ana kumfero shinka. Kundereko ghushendukiro; kwato ogho ana kufero shinka liparu lyande. 5 Ani kughu kukoye, Hompa; Ani ghamba ashi, ''Ove ghuvando wande, kughupako vyo ove ame kundereko ruha mushirongo shavana monyo. 6 Yuvha nkugho yande, mukondashi ame vananganda. Mpopere kuvahepeki vande, mukondashi vavonkondo kumpitame. 7 Yovora monyo wande mumango. Mposhi vivure kutangaghuka lidina lyoye. Vahungami ngava nkundurukida mukondashi ghuna ruwana ghuwa kwande.''