Kwamuyimbi waHompa. Mwapisarome waDaviti. ¹ Hompa, wamana kungengurura, ntani wandjiva. ² Wandjiva nkene nashungiri ntani napo nayimananga; wayiva maghayadaro ghande kughure-ghure. ³ Wakengurura ndjira dande ntani mararo ghande; ghumundambo wavirughana vyande navintje. ⁴ Mpongolishi kumeho mpoyili nkango mukanwa kande, ghunayiyiva nawa-nawa, Hompa. ⁵ Kuruku rwande nakumeho yande ghunandingurukida nakunkambeka lighoko lyoye papande. ⁶ Ghukonentu wangoli ghuyingi ghunene kwande; ghure ghunene ntani kapi nivhura kutikapo. ⁷ Kuninko oko niyenda nishuve mpepoyoye? Kuni konivura kudukira nitunde kulimoneko lyoye: ⁸ Nkene nikanduke niyende liwiru, ove mpoghuli nkene ghanitura mavarero ghande muSheyoli, nkehe kuno, mpoghuliko. ⁹ Nkene ghanituka namavava ngurangura niyende nikakare kumavango ghamawa kuvatuka lifuta, ¹⁰ nampindi ngoli lighoko lyoye kulimpititira, lighokolyoye lyarulyo ngalideyemeho pande. ¹¹ Ntjeneshi ghanitanta, ''Nawa-nawa mundema ngaghumfika, ntani shite ngashikara matiku kwande,'' ¹² nampindi mundema kapi ngaghukara mundema koye. Matiku ngaghamoneka nawa yira liyuva vakukoye, mpongolishi mundema naghukenu navintje ngavikufana koye. ¹³ Waturapo ntji yarutu rwande; wantulirepo ame mushira shavanane. ¹⁴ Nganikukangangave mukonda ghame nawapamo wanturapo monyo wande waviyiva vino nawa nawa. ¹⁵ Vifupa vyande kapi vavivandikire koye opo vantulirepo mulihoramo, opo nakutendire kuntji yaghudjuni. ¹⁶ Wankengire kuntji yamushira; mayuva naghantje vampire vaghatulire patjangwa mumbapira yoyo kumeho yawakuhova vishoroke. ¹⁷ Weni maghayadaro ghoye ghamawa kwande, Karunga! Weni ghunene wamfuto yavo ¹⁸ nkene nisheteke kuvara, kuvakara vangi mumuvaro kupitakana musheke. Pakurambuka, shimpe kumwe nove nakara. ¹⁹ Nkene ngaghudipaya vanandjo, Karunga; ghuna kona kutunda kwande, ghunayita nyanya muvantu. ²⁰ Ngava rwanitapo ghunankondo ghoye wakudira kuyimane napo ghushiri ²¹ Kapi nanyenga, Hompa, ovyo vakunyengo? Kapi nanyenga kwavo vakurwanitango? ²² Navanyengerera makura; vakara ngoli vankore vande. ²³ Nkengurure, Karunga nakuyiva mutjima wande; ntjeteke nakuyiva vighayadara vyande. ²⁴ Nkenge nkene navirughanadona momwande ntani mpititire mundjira yakukarererapo.