1 Ngani pandura namutjima wande naghuntje; kumeho yavaKarunga vamapempa nganiyimpa mukukukanganga. 2 Ngani kutwera ngoro kughuto wantembeli yoye yakupongoka nakutapa mpandu kulidina lyoye mposhi likukwatakano lyalipuliro lyoye nalihuguvaro lyaghushiri. Warenkita nkango doye nalidina lyoye vikare mulyo ghunene kunavintjeya kupitakana navintje. 3 Muliyuva lyo nakuyitire, wandimburulire me; wandenkitire nitjimape nakumpameka kumonyo wande. 4 vahompa navantje vamughudjuni ngavakupandura, Hompa, mpongolishi ngavayuva nkango ngaditundo mukanwa koye. 5 Kapishi mbyovyo tupu, ngavayimba kuviruwana vyaviwa vyaHompa, mpongoli mpora ghuyerere waHompa. 6 Mpongoli nampindi shiHompa munene, ngoli ghuye shinka kwavapika vendi, ngoli mfumwa ghayiva ghure yakara. 7 Nampindi ngoli nakuyenda mukatji kamaghudito, kughupopera monyo wande; ngaghukatika nalighokolyoye mukurwanitapo ghugara wavanankore vande, ntani lighoko lyoye lyarulyo ngalimpopera. 8 Hompa name ghanakara kughuhura; likukwatakano lyalihuguvaro, Hompa, kalikarererapo mwanaruntje. Washakengerera vavoye lyaturapo lighoko lyoye.