1 Kumukuro waBabiloni ghatushungiri nakulira ghopo twaghayalire kuhamena kuSiyoni. 2 Kunya mughungi wetu ghatukumorora kukuvukuruka. 3 Kunya vakwati vetu vashanine ntjumo kwetu, ntani ghovovatukuyiliro vashanine twe tuhafe, nakutanta, ''Tuyimbirenupo rushumo rumwe rwaSiyoni.'' 4 Weni mo tuyimba rushumo rwakuhamena kwahompa mushirongo shavayeni? 5 Nkene kapi nikara nashinka shakumuvuruka, vaYerusalema, renkenu lighoko lyande lyarulyo livurame ghukonentu. 6 Renkenu ruraka rwande ruhoreke kughufinyini wakanwa kande nkene namughayalire kapi nganimughayara, nkene kapi nashana Yerusalema kupitakanaghunene ruhafo rwande. 7 Mvhurukite, Hompa, ovyo varughanine vaEdomite muliyuva ghawire Yerusalema. Ghava tanta, ''Yungururenu mughurumwite, Yungururenu mughurumwite kumvarekero.'' 8 Mona wamukamali waBabiloni, ntantani kumudjonaghura --- mpongolishi namutungiki, nkeheghuno ngamufutito muruku kwavi mwaturuwana. 9 Ghomuntu ngavamutungike, nkeghuno ngamughupo ndi kudjonaghura vanavenu mukurwanita mawe.