¹ Oh, tapenu mpandu kwaHompa; mposhi ghuye muwa, mposhi likukwatakano yalipuro lyendi ngalikarerera panaruntje. ² Oh, tapa mpandu kwaKarunga wavakareli Karunga, mposhi likukwatakano lya lipuliro lyendi ngalikarererera panaruntje. ³ Oh, tapa mpandu kwaHompa wavakarelipo vahompa, mposhi likukwatakano lyalipuliro lyendi ngalikarerera panaruntje. ⁴ Tapa mpandu kwendi mpantjendi warughano ghuwa, mposhi likukwatakano lyalipuliro lyendi ngalikarerera mwanaruntje-- ⁵ kukwendi mukonentu ghatulitopo liwiru, mposhi likukwatakano lyalipuliro lyendi ngalikarerera mwanaruntje. ⁶ Tapa mpandu kwendi ghatulito livu pawiru yamema, mposhi likukwatakano lyalipuliro lyendi ngalikarerea panaruntje -- ⁷ kwendi ghaturopo shite shashiwa, mposhi likukwatakano lyalipuliro lyendi ngalikarerera panaruntje. ⁸ Tapa mpandu kwendi ghogho ghaturopo shite shipangere mukatji kaliyuva, mposhi likukwatakano lyalipuliro lyendi ngalikarerera mwanaruntje --- ⁹ kakwedi nantungwedi dipangere matiku, mposhi likukwatakano lyalipuliro lyendi ngalikarerera mwanaruntje. ¹⁰ Kupandura kwendi ghadipayiro mbeli davaEgipute, mposhi likukwatakano lyalipuliro lyendi ngalikarerera mwanaruntje --- ¹¹ nakuyititapo vaIsraeli vatunde mumwavo, mposhi likukwatakano lyalipuro lyendi ngalikarerera mwanaruntje --- ¹² nalighoko lyakupama pakuyerura nkwapa mposhi likukwatakano lyalipuliro lyendi ngalikarerera mwanaruntje. ¹³ Kupandura kwendi ghahanguro lifuta, mposhi likukwatakano lyalipuliro lyendi ngalikarerera mwanaruntje --- ¹⁴ nakurenkite vaIsraeli vataghure mukatji kalifuta, mposhi likukwatakana yalipuliro lyendi ngalikarerera mwanaruntje. ¹⁵ Ghano ngoli mukughupa lipakero lyaFaragho navakavita vendi mulifuta, mposhi likukwatakano lyalipuliro lyendi ngalikarererapo mwanaruntje. ¹⁶ Kupandura kwendi ghapititiliro vandurendi mumburundu, mposhi likukwatakano lyalipuliro lyendi ngalikarerera mwanaruntje --- ¹⁷ kwendi ghadipayiro vahompa vavanene mposhi likukwatakano lyalipuliro lyendi ngalikarerera mwanaruntje. ¹⁸ Kupandura kwendi ghadipayiro vahompa vafumanino, mposhi likukwatakano lyalipulirolyendi ngalikarererapo mwanaruntje --- ¹⁹ Sihoni hompa wavaAmorite, mposhi likukwatakano lyalipuliro lyendi ngalikarererapo mwanaruntje ²⁰ ntani Ogi hompa wavaBashani, mposhi likukwatakano lyalipuliro lyendi ngalikarerera mwanaruntjeya. ²¹ Kupandura kwendi ghatapiro shirongo ghukare ghupingwa, mposhi likukwatakano lyalipulirolyendi ngalikarerera mwanaruntje --- ²² ghupingwa wavaIsraeli vakareli vendi, mposhi likukwatakano lyalipuliro lyendi ngalikarerera mwanaruntje. ²³ Kwendi ghatuyitiro nakutuvurukita mukutuvatera mulidiro kuyiva vintu kwetu, mposhi likukwatakano lyalipulipuliro lyendi ngalikarerera mwanaruntjeya. ²⁴ Kupandura kwendi ghatupiro nkondo tufunde vanankore vetu, mposhi likukwatakano lyalipuliro lyendi ngalikarerera mwanaruntje --- ²⁵ gho ghatapiro ndya kuvinamwenyo navintje, mposhi likukwatakano lyalipuliro lyendi ngalikarererapo mwanaruntje. ²⁶ Oh, nakutapa mpandu kwaKarunga waliwiru, mposhi likukwatakano lyalipuliro lyendi ngalikarerera mwanaruntje.