¹ Shambererenu Hompa. Shambererenu lidina lyaHompa, ² Anwe mwayimano mundjugho yaHompa, mulivango lyandjugho yaKarunga wetu. ³ Shambererenu Hompa, morwa ghuye muwa; yimbenu vyakushamberera lidina lyendi, morwa movyowapera kuruwana. ⁴ Morwa Hompa akushoghorerera naghumwendi Yakobu, Israeli arare livango lyendi. ⁵ Naviyivashi Hompa munene, Karunga wetu kuwiru yavakarunga navantje. ⁶ Navintje evi ashana Hompa, kuviruwana muliwiru, palivhu, mulifuta nakuntji yamafuta mudima. ⁷ Ghuye kuyita maremo ghatunde kughure, kurenkita maruvadi ghakupakerere namvhura ntani kuyitanka mpepo yitunde, mundjugho yaghupunguko wayo. ⁸ Adipayire mbeli daEgipite, navantje vantu navikorama. ⁹ Atumine vineghedito navitetu mukatji ketu, Egipite, mwaFaragho navantu vendi navantje. ¹⁰ Arwanitire virongo vyavingi ntani kwadipayire vahompa vankondo, ¹¹ Sihoni hompa waAmoli ntani naOgo hompa waBasani ntani nambara nadintje davaKaanani. ¹² Atupire livhu lyavo likare ghupingwa wetu, ghupingwa waIsraeli vantu vendi. ¹³ Lidina lyoye, Hompa, liparuke kunaruntje; kuyuvika koyo, Hompa, kuparunge kumwaka nadintje. ¹⁴ Morwa Hompa kupopera vantu vendi ntani akara naghufenkenda kuvantu vendi. ¹⁵ Vintjwantjwo vyamuvirongo sisiveli nangorodo, vyakuruwana namaghoko ghavantu. ¹⁶ Ovyo vintjwantjwo vyavyo vyakara natunwa, ano ngoli kapi vyaghambanga; vyavyo vyakara namantjo, ano ngoli kapi vyakenganga; ¹⁷ vyavyo vyakara namatwi, ano ngoli kapi vyayuvanga ndipo vishetere mutunwa twavyo. ¹⁸ Ovo vavishongango yira mbyonka, ngavikaranka ngoli kwankeheghuno ngahuguvaro mwavyo. ¹⁹ Ruvharo rwa Israeli, Hompa vamutungike; varuvharo rwaAroni, Hompa vamutungike. ²⁰ Varuvharo rwaLevi, Hompa vamutungike; anwe mwafumadeko Hompa, Hompa vamutungike. ²¹ Hompa vamutungike muSiyoni, ghuye kwatunga muYerusalema. mutangaghukenu Hompa.