1 Opo ashuvire Israeli Egipite, omo mwatundiro muhoko waYakobu vakughamba liraka lyantunda virongo, 2 Makura Yuda alikara livango lyendi lyakupongoka, ano Israeli ayikara yalipangero lyendi. 3 Lifuta lyaligeha alivimono aliduko, makura mukuro waYorodani aghu shayeke kupupa. 4 Makura ndundu adivataghuka yira vimpendje, makura vindundwena avi vataghuka yira ndjwi. 5 Vinke vyo wadukilire, ove lifuta? Yorodani, vinke ovyo washayikilire kupupa? 6 Anwe ndundu, vinke vyo mwavataghukire yira vimpendje? Anwe ndundwena, vinke vyomwavatakilire yara ndjwi? 7 Kankama, ghudjuni, kumeho yahompa, kumeho yaHompa waYakobu. 8 Ogho apirurango mawe akare madiva ghamema, mawe akukora akare runone rwamema.