1 Pandenu Karung. Mumupande, anwe vakareli vaKarunga, pandenu lidina lyaKarunga. 2 Lyatumana lidina lyaKarunga pashirugho shino nakunaruntje. 3 Kutundulira kughupumeyuva dogoro kughutokero lidina lyaKarunga valipande. 4 Karunga kupange dimuhoko nadintje, litumano lyendi lyapitakana mawiru naghantje. 5 Kundereko wakufana Hompa Karunga, ogho ashingiro muwiru, 6 Ogho anyongameno akenge liwiru napalivhu? 7 Ghuye kurambwita vahepwe mumbundu nakudamuna munalihudi mulitwitwi. 8 Makura ngakava shingike kughu hompaghona, kavahompaghona vavantu. 9 Ghuye kutura ngandje akare mwenya mundi, kumutura akare nyokwawavana varuhafo. Pandenu Karunga!