1 Tangenu Hompa Karunga. Mutungi murwana ghogho ghatjiro Hompa Karunga, ndjegho gharughanango dimuragho dendi dadinene. 2 Ghuye ruvharo rwendi ngarukara rwankondo pantunda yalivhu; ruvharo ghoro rwakarerango Karunga ngava rutungika. 3 Viweka namaghungavo mpoghali mundjugho; ghupongoki wendi ngaghukarerapo nanaruntje. 4 Ghukenu ghutwedere mumundema kuvantu varughanenango Karunga; ghuyene mufenkenda, nkenda ghunene ntani muwa. 5 Muntu kumutompoka nange gharughana naghufenkenda nka kutapa maliva, ntani nkehe ghuno gharughanango muwa wendi naghushiri. 6 Ngoli ghuye kapi ngavhura kushenya; muntu wakupongoka ghuye kumuvhuruka nanaruntje. 7 Ghuye kapi ghatjira mbudidona; ghuye nkondo, nka lihuguvaro mwaKarunga. 8 Mutjima wendi nkondo, kwato ghutjirwe, dogoro ghuye ngamoneke ghufundi kuvanankore vendi. 9 Ghuye kutapa kwahehe muhutu; ghupongoki wendi wakara nankondo nanaruntje; ghuye ngamuyerura namfumwa. 10 Muntu wamudona ngavikenga ngoli gagarapa; ghuye ngakushera mayegho ghendi mughugara ntani ghuye ngayengumuka; ovyo vahafera vantudona ngavidongonoka.