1 Pisalomu yaDaviti. Karunga kwaghamba kwahompa wande ashi, ''Shungira kurulyo rwande nange nganiture vakankore voye ghulyatero wampadi doye. 2 Karunga tura nkondo daghuhompa ditundilire muSiyoni; dipangere muvakankore voye. 3 Vantu voye ngava kukwama muvidwata vyakupongoka mumpangera danaghumwavo mumayuva ghankondo doye; vamughundju ngavaya yira ndaghu yangurangura koye. 4 Karunga aghana, nakuvhura nka kutjindja: Ove muruti wakunaruntje, mughukaro waghuruti waMelikizedeka.'' 5 Karunga nekulivoko lyoye lyarulyo. Ghuye ngadipagha vahompa muliyuvha lyendi lyaghugara. 6 Ngapangura dimuhoko; ngaywida marwaneno navimpu; ngadipagha vampititi muvirongo vyaviyingi. 7 Ghuye nganwa mumukuro wamundjira, ntani ngayerura mutwe wendi ngudu muruku rwamaketero