¹ Kwa mupititiri yimbiti: Mapisalome ghaDaviti.

Kuna kukupanda, Karunga; washa mwena,

² Mbyovyoshi vadona navapukiti vanahomokere; vavo kuna kughamba vyavipempa kukwande. ³ Vanandingiliki nakughamba vininke vyanyengo, nakundwita hanakonda. ⁴ Mukumvhutira shihoro shande vavo kundundira, ngoli ame kuvashungidira. ⁵ Vavo kumvhutira ghudona kughuwa, nka vavo vanyenga shihoro shande. ⁶ Shorora mudona apangure mukankore yira vantu vano; shorora murundili ayimane kurulyo rwendi. ⁷ Opo vamupangura, vavure kumuwana ghundjoni; renka ndapero yendi yikare ghundjoni. ⁸ Sheshupita ghukaro wendi; renka ghumwe aghupe shirughana shendi. ⁹ Renka vana vendi vakare vantiwe, namukadendi akare mufitavya. ¹⁰ Renka vana vendi varendarende nakurombayera, vavatjida tjidemo omo vatunga. ¹¹ Ove alyera makongo ndi vaghupe navintje ovyo vaweka, vantunda virongo vaghupe kehe sho arughana. ¹² Pashakara wakumufera nkenda; nawakupakera mbiri ntiwe dendi. ¹³ Ruvharo rwendi ndi varuteteko; namadina ghavo ngavagha vhurame kumeho. ¹⁴ Karunga ndi ngavhuruke ndjo vakondi vendi; nandjo davawina ngasha vadivhurame. ¹⁵ Ndi Karunga avhuruke kehepano ghudona wavo; Karunga ndi ava vhuramemo mughudjuni. ¹⁶ Karunga ndi avi murughane murume oghu wakupirankenda; muhepeki wavahepwe navamahudi navakupira mulyo kuvahepeka nakuvadipagha. ¹⁷ Ghuye kwaholire kufingilira; ndi vimuvyukire mwene. Ghuye kwanyenga kuragopita; ndi naghumweshi makandayikiro ghakuya kwendi. ¹⁸ Ghuye kwakudwateka mwene namafingiro ngo shidwata shendi, Namafingiro ghendi ghahepa kupupa mwendi yira mema, yira maholi muvifupa vyendi. ¹⁹ Ndi mafingiro ghendi ghamufike yira vidwata, yira ruvya oro adwatanga kehepano. ²⁰ Mwaweyo ndi mo afutita Karunga vakankore yande, ovo vangamberango vyavidona. ²¹ Karunga Hompa wande, nkwafe nakundjovora mukonda yalidina lyoye. konda yaghuwa washihoro shoye. ²² Ame waruhepo nawalihudi; namutjima wande kunakuvhera munda. ²³ Ame kuna shana kudongonoka yira mundulye wangurova; kuna kupepumuka yira limbonde. ²⁴ Pakudilira ngoro dande kuna kukanka; Ame nkwandi ntjo shipapa navifupa po tupu, ²⁵ Kuntjepa likendjo varundiri vande; pakunkenga me, nakumpungira dimutwe. ²⁶ Mpopere me, Karunga Hompa wande; mparureme mbyovi shihoro shoye shashinene. ²⁷ Vavo vayivhe ashi ove wavhirughano, ashi ove, Karunga, wavirughano ovi. ²⁸ Mpiri vamfinge me, nakanderere ntjwereme; nange avahomokere, renka vafe ntjoni, ngoli mupikoye apembure. ²⁹ Ndi vanyengi vande vadwate nantjoni; ndi vadwate ntjoni davo yira marughodi. ³⁰ Nakanwa kande nipandure ghunene Karunga; Nimupandwire mukatji kambunga. ³¹ Mbyovyoshi ghuye kuyimana kurulyo rwagho anakuhepo, amupopere kwavo vana kumupanguro.