¹ Rushumo, mapisalome ghaDaviti.

Mutjima wande ghuna kuwapayiki, Karunga; Nashana kuyimba, nhi, Nashana kuyimba mpandu namutjima wande mukukufumadeka.

² Rambuka, shuwena shighumba; Ame nashana kukuvinduka kurambuka. ³ Nashana nitape mpandu koye, Karunga, mukatji kavantu; nikupandure nantjumo mukatji kadimuhoko. ⁴ Mbyovishi shihoro shoye shashinene shakatwa mumawiru; naghuhungami ghoye wagwaneka mumaremo. ⁵ Karunga, shorora ghunene ghoye, mumawiru, naghuwa ghoye mughudjuni naghuntje. ⁶ Wangu ovo wahora vaparukiremo, tuparure twe nalivoko lyoye lyarulyo nakutulimburura. ⁷ Karunga kuna kughamba mughupongoki wendi; ''Nashanakuhafa; Nashana kugaghununa Shechemi nakutetaghura liyana lyaSukoti. ⁸ Giliyati yande, naMannase wande; Efurayimu naye ligconko lyande; Yuda mpango yande yaghuhompa. ⁹ Mowabu neshidaneno shande; kwaEdomu nganilyatako; ¹⁰ Ame ngani yiyira naruhafo konda yaFilisitiya. Are ngandjito mumbara yankondo? Are ngampititiro me kuEdomu? ¹¹ Karunga, kapi watushwena twe? kapi ghuna kuyenda kuvita navarwi vetu. ¹² Tupe mvhatero mukurwita vakankore vetu, mbyovyo mvhatero yamuntu navimweshi tupu. ¹³ Atwe kufunda namvhatero yaKarunga; Ghuye kutoghona vakankore vetu.