¹ Tapenu mpandu kwaKarunga, yitenu lidina lyendi; yivhitenu dimuhoko ovyo gharughana. ² Muyimbirenu, yimbenu mukumupandura; Tantenu vitetu vyendi navintje ovyo arughana. ³ Ghuwa wamulidina lyendi; ndi dimutjima davo vashano Karunga dipembure. ⁴ Shanenu Karunga nankondo dendi; shanenu likaromo lyendi lyanaruntje. ⁵ Vyukurukenu kuyita virughanatetukito vyendi ovyo arughana; vitetu naghuwa munkango dendi: ⁶ Anwe ntjoka daAbrahamu vakareli vendi, anwe vantu vaYakobu, vatovororwa vendi. ⁷ Ghuye ndje Hompa, Karunga wetu. Mpangera dendi daghudjuni naghuntje. ⁸ Ghuye kuvhuruka makukwatakane ghendi kunaruntje, nkango oyo araghura kuliyovhi lyavo ngavakakaroko. ⁹ Ghuye kuyita mukuvhurukita likukwatakano lyavo naAbrahamu namughano wavo naIsaka. ¹⁰ Mbyo ngoli akwatita kwaYakobu yira mughano nakwaIsraeli yikukwatakano lyanaruntje. ¹¹ Mukughamba ashi, ''Ngani kupa shirongo shaKanaani shikare ruharoye rwaghupingwa.'' ¹² Ghuye kwavighambire ovi vavo shimpe vasheshu mushivaro, vasheshu ngudu, oku vavo vana virongo mushirongo. ¹³ Kavayendanga kutunda muhoko yenda muhoko nakutunda ghuntungi kuyenda ghumwe. ¹⁴ Ghuye kapi apulirire kehe ghuno avahepeke; ghuye agarapelire vahompa mukonda yavo. ¹⁵ Ghuye aghambire, ''Washaguma vawaveki vyande , nakuvipitashi vapumbi vande.'' ¹⁶ Ghuye kuyita ndjara mushirongo; kutetako mpito nadintje omo dayeranga ndya. ¹⁷ Ghuye kutuma muntu kumeho yavho; Yosefu kwamughulitire yira mupika. ¹⁸ Mpadi dendi mangire muntingo kwamumangire namaghuketanga, ¹⁹ Nange vyatikiremo ovyo aghambire. Nkango yaKarunga yamushetekire. ²⁰ Hompa atumine vapika vendi vakamushuture; mupangeli wavantu amushutura. ²¹ Amutura mupangeli wamundjugho yendi mukungera shirongo nashintje. ²² Mukupangera marenga naghantje, nakushonga matimbi ghukonentu. ²³ Makura Israeli mpo ayire muEgipite, naYakobu atungire karuvede mushirongo shaHamu. ²⁴ Karunga kurenka vantu vendi vakuvare ngudu, nakuvapa nkondo dakupitakana davankore vavo. ²⁵ Ghuye kurenkita vakankore vanyenge vantu vendi, varughane mwamudona vakareli vendi. ²⁶ Ghuye kwatumine Mosesi, mupikwendi, naAroni, ogho atogholire. ²⁷ Vashorore viyivito vyendi kuvaEgipite, vitetu vyendi mushirongo shaHamu. ²⁸ Ghuye kutuma mundema nakutura shirongo mumundema, ngoli vantu vendi nakulimburukashi kuveta yendi. ²⁹ Ghuye kutjindja mema ghavo ghakare honde nakudipagha ntjwi davo. ³⁰ Shirongo shavo kushiyuda namankovovo, namunkonda yamupangeli momu. ³¹ Ghuye kughamba, makura lintuku lyandi namagculi aviya mushirongo mudima. ³² Ghuye kupirura mvhura yavo yikare mbwe, namundiro wakutwera mushirongo shavo. ³³ Ghuye kwadjonaghulire vinyu namaghukuyu ghavo, atjoraghura vitondo vyamushirongo shavo. ³⁴ Mukughamba kwendi, makura limbonde aliya, lyalyo lyalingi ghunene. ³⁵ Limbonde lyalire vimeno navintje vyamushirongo shavo; lyalirepo mbuto nadintje damumafuva. ³⁶ Adipayire vambeli navantje mushirongo shavo; nyango yamuhovo yankondo davo. ³⁷ Ghuye aruputiremo vaIsraeli nasisiliveri nangorodo; kwato ghumwe muhoko wendi wapumbwiro kuruvede oro. ³⁸ VaEgipite vahafire opo vatundiremo; mukondashi vaEgipite vavatjilire. ³⁹ Ghuye ayandjumuna liremo livafike, nakuturako mundiro ghuvatwedere matiku ⁴⁰ VaIsraeli varombire ndya, makura avayitiri vimbote makura ngoli avakutakwavyo namboroto yakutunda muliwiru. ⁴¹ Ghuye atavhura liwe, mema aghapoposha ghatunde mwalyo; aghapupu mumburundu yira mukuro. ⁴² Avhurukire matwenyidiro ghendi ghakupongoka ogho atwenyidilire mupikwendi Aburahamu. ⁴³ Apititilire vantu vendi naruhafo, vatovororwa vendi vayiyilire naruhafo. ⁴⁴ Ghuye avapire shirongo shadimuhoko; vavo vaghupire viweka vyamaghugavo ghavantu. ⁴⁵ Ashi vavhure kutikitamo mpangera dendi nakulimburuka veta dendi. Pandurenu Karunga.