¹ Ame kuna kutapa mpandu kwaKarunga namonyo wande naghuntje, Hompa Karunga wande, ove munene ngundu; ove kwadwata shikoda namfumwa. ² Wakudwateka ghumoye nashite ntjo shidwata shoye; wayandjumuna mawiru yira tende. ³ Ove warenka maremo matemba ghoye; mbyo watungira mundi ghoye pamema; ove kuyenda pamavava ghampepo. ⁴ Ove warenka mpepo ndjo ntumidoye, maraka ghamundiro vakareli voye. ⁵ Ghuye kwaturapo litateko lyalivhu, lyahana kukunyunganga. ⁶ Wafika livhu namema yira shikoverero; mema kwafika ndundu. ⁷ Muku haruka koye mema kuduka; kushikumo shaliywi lyoye lyalinene vyavyo kutjira. ⁸ Ndundu kurambuka, namayana kukuyara mumavhango ogho waghashanena. ⁹ Ove waturapo murudi dado nakudivindakana shi; dado nakufikashi nka ghudjuni. ¹⁰ Ghuye kwaturapo dimuramba dakupupa mema; marunone gha kupupa mukatji kandundu. ¹¹ Dado kutapa mema kukehevikorama vyamulifuva; vivaradi kukumwa kwagho. ¹² Kumarukenka nko vyatungira vidira vikorogho vyavyo; nakuyimba mukatji kadimutavi. ¹³ Ghuye kuvhetera ndundu kutundilira munkonda muwiru; Livhu kwayura nanyango yashirughana shendi. ¹⁴ Ghuye kumenitira mushoni vimuna navitondo kuvantu valime wangu vantu vayangure ndya kulivhu. ¹⁵ Ghuye kurughana vinyu yakuhafita muntu, maghadi ghakuwapeka shipara shivembere, nandya dakupalita. ¹⁶ Vitondo vyaKarunga kuwana mvhura yayingi; vitondo vyaLibanoni ovyo atapeka mwene. ¹⁷ Oko vyatunga vidira vitunguru vyavyo. Mandongondongo moghatunga. ¹⁸ Vampundja kwatunga kundundu dadire; ndundu dadire ngoghuvando wado. ¹⁹ Ghuye kwatulire kakwedi kaneghede vivaka; liyuva lyalyo lyaliva ruvede rwalyo lyakutoka. ²⁰ Ove kutura mundema wamatiku nange vikashama navintje vyamuwiya avirupuka. ²¹ Vanyimeghona kudumina ndya davo nakushanena ndya davo kwaKarunga. ²² Pakupuma liyuvha, kuvyuka vakarare mumararo ghavo. ²³ Ntani, vantu vanakurupuka vayende kuvirughana vyavo nakurughana ghunene nange ngurova. ²⁴ Karunga, weni wavhuka mulyo wavirughana vyoye! Naghunongo wavirughana navintjeya ovi; ghudjuni wayura navirughana vyoye. ²⁵ Okunyane lifuta, lyalitondo naghunene, omo mwakaro vishitwa vyavididi navyavinene. ²⁶ Vikepa mo vyapitiranga, naLeviata mo akara, wavitura vidanene mulifuta. ²⁷ Navintjeya ovi koye vyakengera ghuvipe ndya muruvede rwapo. ²⁸ Nange kuna kuvipa, vyavyo kuponga; nange aghughonyonona livoko lyoye; vyavyo kukuta. ²⁹ Nange aghuvandeke shipara shoye, vyavyo kukara mughudito; nange aghu ghupumo munku wavyo, vyavyo kufa nakukara mbundu. ³⁰ Pakutuma mpepo yoye, vyavyo kuvishita, nka ove kutapa kughudjuni ghukaro waghuwa. ³¹ Ndi shikoda shaKarunga shikare kunaruntje; ndi Karunga ahafere vishitwa vyendi. ³² Akenge pano palivhu, nalyo likunyungange; akundame ndundu, dado ditutumuke muti. ³³ Ame nashana kuyimbira Karunga muliparu lyande nalintje; Ame nimupandure narushumo Karunga opo nakara namonyo. ³⁴ Ndi maghayadaro ghande ghamuyende kumutjima; Nashana kupembwira mwaKarunga. ³⁵ Ndi vanandjo vadongonokepo palivhu, vadona ndi vashakarapo nka. Ame nitape mpandu kwaKarunga naliparu lyande nalintje. Vamupandure Karunga.