¹ Kunyima yamwaka dadingi, apa a kalire hompa Artaxerxes wa Persia, Ezra atundu ku Babyloni aye ku Jerusalem. Vakondi va Ezra kwaklire Seraiah, Azariah, Hilkiah, ² Shallum, Zadok, Ahitub, ³ Amariah, Azariah, Meraioh, ⁴ Zerahiah, Uzzi, Bukki ⁵ Abishua, Phinehas, Eleazar, owo akaliro mona wamukafumu wa Aaron mupristeri wamunene. ⁶ Ezra kwatundilire mu Babyoninka ghuye mu akushongiro liyivo lya Veta oyo atapire Hompa Karunga wa Israel kwa Moses. Ano morwa Moses kwakalire nalitungiko lya Hompa Karunga wendi, hompa mpo kamupanga kehe vi karombanga. ⁷ Mumwaka waghu nta mbiri walipangero lya hompa Artaxerxes Ezra kwatundire mu Babyloni ayende ku Jerusalem nambunga yava Israel omo mwakaliro vapristeri na vaLevi navambimbi va muntembeli navakungi ntembeli ntani navaruwani. ⁸ Ezra nambunga yendi avakatika mu Jerusalem mu mwedi wautano, wa mwaka waghu nta mbiri walipangero lya hompa Artaxerxes. ⁹ Vavo kwatundire mu Babyboni muliyuva lyakuhova lya mwedi wakuhova. Avakatika mu Jerusalem muliyuva lyakuhova lya mwedi wautano, morwa likwafo lya Karunga lyakalire navo. ¹⁰ Ezra akutapa ukaro wendi mukukuronga veta ya Hompa ntani weni mwa kuyiruwanita nka na weni mwa kuyishonga kuvatungi mu Israel. ¹¹ Yino ndjo ntjangwa tumwa oyo atapire hompa Artaxerxes kwa mu pristeri Ezra,wa kukuronga, ogho ayiviro veta na marawiro gha Hompa gho atapire ku Israel. ¹² "Kuna kutunda kwa hompa wava hompa Artaxerxes, yiyende kwa mu pristeri Ezra, ogho akurongango veta da Karunga wakuwiru. ¹³ Ame kuna kupanga mushirongo shande navintje ashi; va Israel navantje navapristeri na vaLevi ovo vana horo kuyenda ku Jerusalem vayende tupu kumwe nove. ¹⁴ Ame, hompa, na vapukuruli vande nta mbiri, kuna kukutuma ghuka konakone ukaro mu Jerusalem na mu Juda ashi veta ya Karunga woye oyo vakuhu guvarera shi weni omo vana kuyitikitamo. ¹⁵ Ngamupiture ndjambo da ngorodo na siliveri odo ngatukupa navapukuruli vande kwakarunga wa Israel, wa ntembeli oyo yakaro mu Jerusalem. ¹⁶ Ngamupiture nka siliveri na ngorodo odo mwa pongayika mwa yendo shirongo sha Babyloni, kumwe na ndjambo odo yatapa mbunga ya Israel na vapristeri vayo ku ntembeli ya Karunga wavo mu Jerusalem. ¹⁷ Oghano maliva ngamu kagha ruwanite nawa mukughura ntwedu, vikungwe na vindjwi ghona,na mbuto ntani na vinyu. Muka vidjambere pashi djambero sha ntembeli ya Karunga wenu mu Jerusalem. ¹⁸ Ano Siliveri na ngorodo oyo yina hupoko muyiruwanite navaunyenu moomu muna vishanene, mukuhafia Karunga wenu. ¹⁹ Ngamukatape vininke navintje ovyo vamupa vya kuruwanita muntembeli kumeho ya Karunga wenu mu Jerusalem. ²⁰ Ano vimwe nka vyapeke ovyo ngamu shana vya ntembeli ya Karunga wenu, ngamu viwana mulimona lya hompa. ²¹ Ame, hompa Artaxerxes, kuna kupangera marenga naghantje ghalimona mu Shirongo sha Utokero wa Mukuro Euphrates, ashi kehe vino ovyo ngamupura mupristeri Ezra, ogho akushongo veta da Karunga wakuwiru, muna hepa kuvimupa nawa-nawa, ²² vyakutika pa shiviha mayovi matatu namafere ma ne gha siliveri, mayovi murongo ghambuto, litera mayovi maviri davinyu, litera mayovi maviri damaghadi gha ndjwe, ano mungwa wagho moomu vanaushanene. ²³ Ghuna kona kukara nashinka shakutapa navintje ovy o anashanene Karunga wakuwiru ntembeli, mposhi ngadire kungarapera me ndi ovo ngavapandgero kunyima yande. ²⁴ Atwe kuna kurawira nka ashi nakufutitashi mutero vapristeri na vaLevi navayimbi navakungi navaruwani nanavantje ovo vahameno ku ntembeli yino. ²⁵ Ezra, paukonentu ogho akupa karunga, turamo vapangeli na vapanguli vapangere mbunga nayintje ya mu Shirongo sha Utokero wa Mukuro wa Euphrates ovo vakaro mu Veta ya Karunga woye. Una kona nka kuronga ovo vadiro kuyiva Veta. ²⁶ Ntjene shi pana kara ogho ana kudiro kulimburukwa ku Veta da Karunga woye ndi kuveta dahompa-ogho kumufutita nawa-nawa, vikare shi mfa ndi ayende kuupika ndi afute limona lyendi ndi ayende mudorongo. ²⁷ Ezra a ghamba ash; "Pandenu Hompa, Karunga wavakondi vetu, ogho apiruro mutjima wahompa a fumadeke yino ntembeli ya Hompa mu Jerusaem, ²⁸ nkenda ya Karunga ndjo yarenkitiro hompa navapukuruli vendi na marenga ghendi gha nkondo gha mfere nkenda. Hompa Karunga wande kwa mpameka mbyo navhura kupongayika matimbi ghamangi ghapa maliraghona gha Israel gha yende kumwe name.