¹ Quewa eeri imaleidanaca ichabapinacua analimalee waiwacali icape neni quewa pipidena imacacua iwicó. yae eiba duliica numicheidaca pipidena dulii iwicoba caluca neicacani napinacua icha yacaleca nacaluniba. ² Madecanaa pinaca yawa yacaleé manuinamerii neimapinaca equieleco weiricowwa dulii iwocowa waiwacali icapeca Jacob yasu Dios. Yae yaseidaca wali ayapu wia weipinaca yasu yapuna iricuwa Sión nese imusocua tacaisi cabeniyeica yae Dios itacai imusopinaba Jerusalen nesee. ³ Yaana pina yucacanie yacaleé iricuise ya iwacopinaca nalimanama niai yacalee decuise yeii nia natecate cheinisi iyu capiseisi caseru niri naucapinaca yae nasu uibanaca. Aberi yacalee manuiri camita pina imicheida yasu capiseisi caseruniri aiba yacalee ipunta camita pina newedacania uwicai iwali. ⁴ Queicanica niecani nauneidaca pinaca abechunamata niai nabanacalee yalu neni canacata yalimeri icalodaca queiquena imaca ca itacaiba neiwacali niae uwinei chenuniseii ⁵ macaita niai yacaleca naipina pinaca abechunamata ipidena iwali yai nasu Diosca quewa wia weipinapinaca weiwacali ipidena iwali wasu Dios queiripinata. ⁶ Nénieli eeri weiwacali imica: núa pinata iwaqueida niai macawerica niai nacai baweyeii isana iri niade awiseicate iwowa. ⁷ Numicheida pinaca niai macabeyeica niae namusodeyeica, nese cacheini pinaca nié aniwá nuá piwacalicueca nucopinacue piwicoe alede dulii chenuniri Sión siucade queripinata. ⁸ Quewa pia, icueripiná icawania iwacaii deyeicawá Dúli Sión nenichua, nuaná pináca piatalé, yaaná pinacué piri pichaini quechericaté, pichulianácaté Jerusalen iwicau. ⁹ Quewa ¿Cáanacué pumaida chainisii? ¿Canácainacue piri yáacalé icueriná? ¿yeetaacawa yai yaalericuecapia? ¿yáaca achumericue imani piwawá yai iiyuwa inanai idaiwechua iyacaa? ¹⁰ Pichaba piná cawá iricubá yai caichasi pia cuesion, yeenibecá, iyuwa inanai idaiwaichú. Siucadé pimusuapinacawa yacalé icha, piyapináca maisawaliré Babilonia neeré nacai. Neeni piná pichuliawa piuwidecha. Neeni piná nacai piwacali ichúliádapia naicha nia piuwideca. ¹¹ Siucadé manuba piuwidé iwacaidacawa piipunitá; naimaca piwali; Pimácacue bawaca nainawaná; pimacacué nacai bawasiwaca watui icacania. ¹² Cawiculidacairi imacá camita naliawá inadanawa yai piwacalicuéca, camitánacai nalia iwali yai imaniripinácá, idecueca iwacaida capios iyuwa aberi iwitáná. ¹³ Piwacali imaca; pimichaidawa pimunuá pia Sión iiduca, numani pinacainá piubá quirameniri iyú. ta nacai picabadá pináca manubeyei. yacalé ca. lá nacai nuedá piná́ piicha piasu acaweniyei camiyeicueca piasusiwa, iimaca yai piwacalicueca macaita pideniericueca, iimaca yai macai caali iiwacalica.