¹ Nua numaca: "siucade pemiacuae, piacue naiwacananai Jacob yasu ichuliayeica icape yai Israel: ¿camita machacanita pemiacueca baisiri? ² Piacue, baweyeca icaca cayaberi yacue piwawaca baweri, piacue pichalacue naimami, nainanacai napi ichawa-- ³ Piacue iyeyetanacai naina niai nuasu yaquele, yacue pimadaca nainaca, pisuberiadacue napinimi, Pidaluadacueca yewire, caiwaca iyuwa alama iri, caiwaca iyuwainasi wacheri pina alamalicu. ⁴ Nese piacue ichulieyeica, yacue pimaidaca Waiwacali iri, quewa camita yeba pina. ibalia pina inaniwa pichacue neniali eri. caana pibaidaquina bawa" ⁵ Yai Waiwacali imaca nawili nia icaideye Dios itacai imaqueye naucanicawa nuasa yacale nacawa aibaba: nali niai yeyeca nayacale, niai nacaidacani: iiyapina cayaberi wawasica quewa niai caneyeca imaca inuma iyuwa, nia nadabaca aberi uwicai pipunitacue. ⁶ Quewa siucaque, caipinacue piri cataca camitacue pinacue asai picaidaca; nese cataca pinacueca piri canacatenatacue pimari pialiacai pinacawa. yai erica ibaliacawa nawali niai icaideyeca Dios itacai yai erica cataca nawalini. ⁷ Nia aseiyeca icaidaca napinawa naipunita niai caliaqueyeica maiwitese pinaca niai: macaita nia nabaliapina nanumawa, camita pina nueba nasana nua. ⁸ Quewa nuaquewa nua, nua quewa ipuniariwa ichaini uyaya espiritu Waiwacali yasuca, nupuniacaba cayaberi wawasi iyu cachainica nua, nucaidacatena Jacob iri camiricueca pebaida iwali nali nacai niai Israel namaniri bawerica. ⁹ Nese, pemiacue yai, piacue capi iwacananai Jacob yasu neni, ichulieyeica Israel icapericu. piacue, bawacueca picaca baisirica wawasi, piacue pimanicue baweri macaita machacaniri. ¹⁰ Piacue pimanicue Sion irrai iya caitanacai Jerusalén baweri iyu. ¹¹ Niacue piwacananaica naucaca iwasé yai chiwaica, niai icueyeica Dios icape yewedeye aberi wenisi iyu, niacue piasu icaideye Dios itacai namanica nacutana pina nemia ichabericawa iwawacata napaidaca nia caitaquewa, naibaca niawawa iwali Waiwacalica wapicha? canata baweri yuwana pinawa wawali" ¹² Piwalisecue, pichuliacacue piacue, Sion nawena pina maisawaliwaca, Jerusalén cairipinacue pia iyuwa imuluisi. ya ichaba cataba pinaca dúli bamichuami, imaca pinacawa analimeriyu.