¹ Siuca nawacacawá niá uwinei yenibeca manubeyeica, mia uwineica namichacawá iteseba yai yacaléca, nacapedacá aberi aicu iyú inaníacuba, Israel yasu igueyeica yacaisi ichulianá. ² Quéwa piaa, Belén Efrata, neserinacai ewíto achumeyeico piaá newi niai Judianaica, piwáliseta, yanapiná icuacá Israelnai iyacaté, yata bawite erimii caitanacai iyaca cairípínáta. ³ Awewa Dios yepuada pínaniá neníalite erii aseicalite aberii sumai uichaa; Nia aiba úenanaica Nepuacawa Israel iyacaleneré. ⁴ Yate imichacawá icuaquite niaa ipiraneicawa Dios, ichíni iyú Dios ichíni iyú mayapinaca, yatacue piwacalí manuírí calii inata cairipinata. ⁵ Canapínata peliacaisi Manapinacali níee asirio minaneíca, wasu calii inata, mapíná weipuuíta machaíní iyuwa mese ya wiéca wamicha pínaicawa neípuuíta siete pastorenai Mese ocho namánubaca mía asianaica. ⁶ Nacuapiná Asiria ya su calii inata nacapisei yapicha nabaluacawá inumalícu Nimrod. Yata yedawie asirío nese, nacanami wasu calii inatalé ya meípína pinaca wa su calii inumami iricuba. ⁷ Mía imaqueyeícawa Jacob naica nayapínaca yacale bamichuami, caidé iyuwa unié yuwacawá banacalé inataba camitanacai macuá asianai yénibe. ⁸ Niaée Jacob yaasu naica nayapináca neewiba niaée yacaalee, madécaná yacaale yéewii iyuuwa cháwi manuiri íyána análima yeewi néewi nacaii niaée cuwesineica, iyuuwa nacai achúmeri cháwi neewi niaee ovejaneica. ichábacanami yácawa neewiba, ibacanami abéri ya inuacani imadaidawa yéewi, canacata yaalimeri yedaca icápi iricuiseni. ⁹ Pimichada pinácawa neei niace piowideneicawa yá nacai pinua pinaca niaa. ¹⁰ Caipinaca ichabacawa yá eerica, ''imaca yaée waiwacali DIos'', núaa pinata inuacu piaa ipieyicawa cabayu inata yá nocai nucalana pina pialubaineii macapucuiyi puchaibaiyi yabaliná ipieyicawa cabayu ichaini iyuu. ¹¹ Núaa pinata inua piyacaalee piasu caali neeni yá nacai nucalana pina picha niaée manuiyica piwawa iwere ¹² Picapi irulé pinata numalaida niaa camaliqueyeica, yá cairipinata canata canaca quirinama niaée iwiculideeyica. ¹³ Nuaa pinata imalaida niaa iiba yeenewanasi iyuyeica pimanicueca yá nacai cairipinata camita quiri pia naimietacana niaée yeenewanasica. ¹⁴ Nuaa pinata idacá yáabalina yapichawa péwisicué yeenewanasi Asera péwisecue namalaida pinatanacai piyacaalecué. ¹⁵ Núaa pinata imáca imanicawa luasi nawali niaée yacalee camiyeica imani cáide iyuuwa idéna númaca"'