¹ Yaté érica naiwacali Asuero yaca naiwacalu Ester iiri yái Amán yasumicá macaita, ya nauwideca niai judíos nai. Ya Mardoqueo idabaca, ibaidaca neiwacali ipichale, caiquina Ester imaca iri naiwacali Mardoqueo yena weneicaca nía. ² Ya naiwacali yedáca yasú aníyu nachanaidana, yedérica, yepuada Amán iicha, yá yacani MArdoqueo irini, Ester imácacani Mardoqueo-iri iyacatena icápi macaita yái Amán yasumica. ³ Nese yepua naiwacalu Ester itanica. Ya uáca uwiadacawa unumawa calieculé cali inata ya uichánica idecunitacawa utanica iri umaleidacatena yai baweri imanirica yai Amán, ya Agaqueo, ya imaquerica naipunita nía judíos. ⁴ Nese ya naiwacali imichaida abechua ewechua canaca iwere ya Ester imichaca ibaluacawa uabali iyúa ipichale yai uiwacalicawa. ⁵ Yasi umacá: "Yasi cayabaca iri, yasi idéca nuanaca cayaberi itui ipichalé, yasica ubaluaca itui ipichalé machacaniri iyú yá nuiwacalicawa, yasica cayaba nuá itui ipichalé, yai natanerica cuyalúta iwali yewacatena namaleidaca yai Amán, iiri quei Hamedata, yái Agagueo, ya cuyaluta itanericate namaleidana pina judíos neica iyeyeicate macai cali yasu quei naiwacali. ⁶ Caina, ¿caina yewana nuideniáca nuicaca báweri yewerica nuyacalé iwali? ¿Caina yewana nua nuicapina namalacawa nía nuenanaica? ⁷ Yái naiwacali Asuero imaca nuli uái naiwacalu Ester, ya judío: "Pica yai nuerica Ester iiri capica Amán yasumi, idecanami nacuacani, ya cainaté iwawaca inuaca nía judíos naica. ⁸ Natanaca aiba cuyaluta nali nía judíos naica waiwacali ipidena iwali ichanerica iwali yacainá numanirica idecaina natanaca iwali waiwacali ipidena nachanáideri iwali iyú yai wawali ichanerica iwali canáco ideri imalaidacani. ⁹ Idénamite natanaca yacale iwacali, yate namaidaca nía nenialite eerica, maisiba queri, eeri veintitres (23), queri iricu, aberi iwali ya nataneri ideniecatai macaita iwali Ma rdoqueo, imaniricate nawali niai judíos naica. Iderica natanaca nali nía naiwacalinai iyacale iwitanaica, nía yacalé iwacalinai, uwinai iwacali nayacatai nayérica-iricu sisáde India nese caita iyana Etiopía cientoveintisiete (127) namanubaca yacalenai yacalenai pubeyei, abérinama, pubeyei, yacale natanaca natacaitawa yai tacaisica macai weneica itacai iyú, nía nacaí judíos naica natanaca tacaisi natacai iyutawá. ¹⁰ Mardoqueo itanaca ipidena iwali naiwacali Asuero yasi naiwacali ichaidaca, aniyu iyu iwali. Ya ibanuaca quei cuyaluta nali niai ichulieyeica nariaca neinatelé niai cawayu cachainiyei ipiecawa ideyeica naiwacali ipianicawa inata idaiwineyeica iwitaise iyuwa. ¹¹ Ya naiwacali yaca judíos nei iri nía nacai nayacataba macai yacale iricuba, imacacatena nali nawacaidayacawa nabaluca nabali iyuawa nacuacatena nacaucawa: ipichaná nacalanaca nía, nanuacai nía, namalaidaca nía macai chaisini cacapiseiyei icha macai yacalé icha nía nacái pubeyei yacaléca ipichana naibaca nía nía sumanaica nía nacai, inanaica abecataita ipichana nacalanaca nasu. ¹² Yata iyca cayaba macai pubeyei yacale imanubaca ya naiwacali Asuero, yamite eerica doce (12) yawirie catai yema queri ya caica yasu querica yai Adar. ¹³ Abéri camiri baisi nabanuaca macai irita iyua aberi baisiri cuyaluta naliederi pina weneiwicai naí, icá macaita. Nía judíos nai iwawacuta, idé nachuniacawa ya eerica naiba yaí nanapina naiba nauwidenai naipunáwa. ¹⁴ Caica nia nachulieyeica napiecawa, nainata niai cawayu baisiyei naiwacali ideyeica ibaidaca iyú ya canata idecuni nacawa nateca yai tacaisi cayaberi naiwacali iri sisa yacalé Susa nesé. ¹⁵ Neni Mardoqueo imá́caca waiwacali ipichale iyaca ibale báisiri, capiráleri, cabaleri; abechua manuichua nacalipiada iba caweniri iyu aberi balesi yewiederiwa eromeri, capiráleri yewi wáluma ichúnica yá Susa iminanai namaidaca casimaica nia. ¹⁶ Ya Judio nai idenieca camalasi ya, casimaica nia cayaba nawawá cayabaca nawawa maini yapichata. ¹⁷ Macai yacale pubeyei macai yacalé wawacataleta yanaca naiwacali iwali, nenieli casimoi siwacata nia cayaba nawawa Judio nai, yéwi, eeri namanicatai yacasi, casimaicatena nia manuba catái newiecawa niai wenaicaca ya namanicawa judio iyú nia camiyeica nenisana calica caluqueina naicaca judio nei nawatisewa.