¹ Yási naiwacali yacawa Amán yapicha alei nawacaidayacai catalewa uápicha uai naiwaculaca Ester. ² Pucháiba eeri idénami, idecunita cawa nawacuacáni yai nairérica, ya naiwacali imaca Ester iri: "¿Cainanacai pitacai, pía waiwacálu Ester? ¿Cainasica nuapíri, caina yai pidérica pisutaca? nuatasica píri yéma yái nuyacalecawa." ³ Nese naiwacalu Ester yebaca isána: "Nenisica numanicanami pipichale cayaberi, yewasica pepúada nuli nuiwitaise cayaberi yatai nusuterica picha, ina yata nusuteri picha náli niai nuyacale iminanáica . ⁴ Ina idéca nawenuadaca wía, núa napicha niái nuasu weneiwica niai namalaidacatena wía nanuacatena wia maicaicatenata nanueca wia, abéricanamitate nawenidaca wia nali nía ichulieyeica waibaidaca ya naibaca níai inanai asienai nacai, ya nacai masanacata wayaca, camita quiri wasaica iri wawasi yai waiwacalica waliecáina wadeca wauwichacawa." ⁵ Nese yacale icuerina Asuero ima Ester irí nuiwacálu: "Cairina yai? ¿Alena iya yái asieli iwaweri ipunieda piwawa imaniri pinaca wawási?" ⁶ Ester imáca: "¡yai asielica yai núwide bawerisiwata Amán! "Ya nese Amán icaluadasiwaca tawá napichale nía naiwácalinaica. ⁷ Ya caluaca yai naiwacalica, ya imichacawa ibaluacawa sisái iricuise yái nairacataica, nairacaléwa nayacatai nacai, ya yácawa-banacale yewire manuiri capi neni ya quewa yai Amán iyamacawa ya isutaca icauca iwaliwa uicha úai náiwacalu Ester ya quewa yaliecawa yai imanirica bawerica ina yaliecawa yacawa ipunitawata. ⁸ Nese ya yepuacawa banacale nese capi bamuchuale alei nayacatale nayaca naiwacalewa yuwacawa iriecawa yalubeisi inata, uwalibá nuái Ester iyacatai. Ya naiwacali imaca: "¿Yanaca bawaca imanica uli uai waiwacaluca upichale nucapesiwa iricuta?" Yata raunameita imusuacawa waiwacali inuma iricuise yai tacaisei nali niai ibaideyeica iri ya nepuadaca ituiya yai Amán. ⁹ yai Harbona, aberi úwi ibeideri iwacaliwa iriwa: "Aberi yalusi veintitres (23) metros, icalaca chenuniré namichaiderica icape iwaliba yai Amán. Ya imichaida Mardoqueo iirini. Ya itanica nali nacuanapina naiwacaliwa." Ya naiwacali iima: "picuadacue ulicúni." ¹⁰ Cai yasi nacuadaca ulicú Amán uai yalusi imanichua Mardoqueo iiri. Ya nése iricuadaca iluawa yai nawacali.