¹ Nese, iwaliwa yace quérri camuii imalaidana, iipidenaté nacaii Adar yaee querrica, décimo tercer (13) naa erri iricule, mawioni canamite yacaale icuerina itácai ichulieyei imanicawa, neeniali eerité judío neii yuuwidenei iwawacaté chainisii ichuliana pina nawicau, yatee iwenuacawa naipunita. Judíos naii nacanaca naicha chainisi nawicau niaee baweyicaté icaca nia. ² Yate Judíos naii nawacaidacawa nayacale iricubawa iwalisete yaee yacaale pubenamerica Asuero ichulieyica iwicau, naducuatena nacapi iyuuwa niaee iwaweyei caté icaa namalaida naasu wawasi. Caná pinacata ideri ibaluacawa naipunita, idéquenate macai yacaale caalu yemia nainawana. ³ Macaita niia uwenei iwitapu iyeyeica pubenameyeii yacaale iricuba niia nacaii icueyeii pubenameyeii yacalee, niia nacaii icueyeii naasu yasusi caweniyeii, namanicaté nacai Judíos neii ichuliaca caluquenaté nemia inawana yàee Mardoqueo. ⁴ Manuicate inawana yàee Mardoqueo icapé iricu yàee yacaale icuerinaca, yaté nacaii ináwana icalaliacawa macaii yacaale pubeyeii neeniba, manuii cainaté yaasu wawasi yàee asiali Mardoqueoca. ⁵ Judíos neii imichacatewa naipunita nacapisei caseruniri iyuu nanuacatena nia, caide iyuuwa nawawana niee baweyeica icaa niee. ⁶ Susa nenitaté nacai Jud+ios neii inuaca imalaidawa (500) asianaii. ⁷ Nanuacaté nacaii Parsandata nacaii, Dalfón nacaii, Aspata nacaii. ⁸ Porata nacaii, Adalía nacaii, Aridata nacaii. ⁹ Parmasta nacaii, Arisai nacaii, Aridai nacaii, Vaizata nacaii. ¹⁰ nia nacaii diez (10) namanubaca Amán yenibeca, Hamedata irica, judíos neii yuuwideca. canacata neederi cawenirica. ¹¹ Neniali erité nanuaté manuba alé Susa nénii, aberi yacale cawáneeri, natecatalee tacaísi naiwacali iriwá. ¹² Yá naiwacalii iimaca ulii uaáde, naiwacalu Ester: niaá judíonaica nanuacate niá quinientos(500)namanubacá asianaii aleé Susa iyacaleneré, Amán yenibenai nacai aiba. ¿Queina namani nalií niae aibanei yácalé pubanameyi yasu quei yácalé icueriná? nese ¿caina piasu wawasii iyacá? nuapinaca piriini. ¿Queina piwawá? ¹³ Ester imaca naiwacali irii pimacapina judio nai iyaca Susa neni, ya pitepinacaniaa neree tawicha, ya pimaca pinata nacai Amán yenibe nadacuapina nacuawa. Queipiná naiwacalii ichuliacaa namaniana piná niaa. ¹⁴ Yata ichuliana Susa nere ya nacuadania yenibeca diez (10) namanubaca. ¹⁵ Niaee judíos naii iyeyica Susa neeni, nawacaidacawa décimo cuarto (14) eeri yalii yaee Adar, yate nanuaca (300) asianaii mamalacata chaee Susa neeni, quewa camita nálima needaca nasumii. ¹⁶ Niaee judíos neii imaqueyeicawa iyéyica yacaalé púbenameri iricuba nawacaidacatewa nacuacatena niawawa yaté matuibanaica niaa nanua quénatee setenta y cinco mil (75.000) neenami niaee baweyeicaté icánia, cánacaté nacai needéri naasu caweniyeica niaee nanuyeimica. ¹⁷ Cacaté ichabacawa trece (13) eeriná yáli yaee querri Adar. Catorce (14) eerina yáte nayamaidacawa, nayacaté nacaii nayácalewa casimaicate nacaii niaa. ¹⁸ Quewa niaee Judíos iyéyica Susa neeni nawacaidacawa eeri décimotercer (13) nese décimocuarto (14) nacai, ya eeri iricu naiyamaidacawa namanica nacaii nayawa casimai quénate nacaii niaa. ¹⁹ Iina iwalise niia Judíos naii iyeyeica capiima yacaalé pubenameyei iricuba, imaniyica icapemawa maisibayci, nacuacaté naicawa eeri (14) quérrri Adar yaali abeeri eeri casimaicaté niaa namanicaté nacai yácasi, ya nacai nacaté nawaliwaca mawenita yacasi. ²⁰ Mardoqueo itanacaté niaa taacaisica ya iibanuaca macaita Judíos neeii irii iyeyica yacaalé pubenameyei Asuero icueyica iwicau, mawiunibeyei décueleyei nacai, ²¹ chainisiri iyuu nachuliate nadeniacawa eeri catorce (14) quince (15) eeri nacai macai camui Adar yaali. ²² Niacaté eeri nia Judíos neei yedacataica iwawa nauwidenei ichawa ya quéeri awisiyica casimaicaté niaa icheyica nayanidacatewa. Iwacuta pinaté namanicani eeri casimaicaté niaa naapichawaca nabanuacataica nacai naliwaca mawenita yácasi nalinacai niaee catúlecanéyica. ²³ Ina niaa judionaica nayanida cateiwa namanica yai Mardoqueo imericaté nalii iwali. ²⁴ Neniali erite yai Hamedata iriiqué Amán ya judíos nai italimanai macaita ya namanipiná juwicai judío nai ipunita, ya imanica nalii aaberi cayaberiica wawasica namaleidacatena nanuaca niaa. ²⁵ Nese yanacali aberii tacaisi caweniyei ichuliacate niai cacheniri iyu aberi tacaisi iyu inaidacawá bawanama Amán inaidanate judío ipunita baweri iyu bawanamma cayabaca yuwacawa iyuwa idena ineidacawa caita nacai niei yenibeca cayabaca nasiduaca nacanapica. ²⁶ Caicanita namaida ya eriqué wuisiriica macaita tacaisi iyerica cuyaluta iricu. Macaita niai iqueyeicana cai cainapina calii, nachabacawa. ²⁷ Nia judíonaica nebaca namanica waliseita aaberi naiwitesi ewiseimi ya nawiteise ewiseimica ya nataquenai iripinawa, nia iwaqueyeicawa abecataleta pucheba erite, camui idenami nayanidacarte wa, macai erita camui nayanidacawa. ²⁸ Ya eerica, nawacaidacawa nayanida catenawa iipichaná neimaichaca niaee natacaineica, naiwitana iwanubaca nacaii niaee weneicaca, yacalee bubeyei yacaalee manuinameyei nalimata namaaca yáee namaniricaté purim neeni yewacatena camita quiri naimachacani. ²⁹ Úaee icuechúcate yacalee Abihail iiduca Mardoqueo nacaí judiosca natanacatee yáee namanina piinaca yaee nayanidana pinácawa yenewana yáee Purim. ³⁰ Neese nabanuacaté taacaisi nali niaee judiosca nali pina niaee ciento veintisiete (127) yacaale púyeica Asuero icuericate yacaaleca. ³¹ Yaee taacaisica namaniri beisiri iyuu Purim yáli iyuuwataté namanina isananá nachuliacaté namanicani chainisiri iyuu neebaca nacai namanica ayuno camitatee nayaa nayacalewa ya nacai queiwica naicacawa Ester icuechuca yacaale Mardoqueo judíos nacai. ³² Ester ichulia nacai imanicawa iyuwa naiwitaise namanirica Purim yaasu eeri yaté nacaí natanaca naasu cayaluta íricu.