Juan_HRomeroC-pio_est_text

Capítulo 5

¹ Nese maisiba eeri idénáami, Ester, iyate úwalica balesi cayabasiwerita. Néese ubalúacawa ibachawala iricula yaee yácalé icuerina icape ipunita. yácalé icuerina yawinacawa yalubai chenunira iinatá ipiichalé yaee icapee inumaca ² Iná yaeé yácalé icuerina icacamami va Ester, icuéchu yacalé: icapee iriculewa, cayabaca icaca iteii iyuwa vá, ya idocuaca yasú ichaquesi (Cetro) caweniri icapi iricuri ca upualee, nese Ester umaquienicawa iri yae ichaquesi cawenirica udonuaca ipata. ³ Nese yácalé icueriná imaca uli: ¿Cú́iná piwáwa nocuetó Ester? ¿Cainá piwáwa numanica piri cayaberi iyu? Yewa núacá piri nuasu yácalé yema. ⁴ Ester imaca iri: ¨Yácale icuerina piwawacanami, yewacanami Amán pia nacai yácalé icueniná, piacue siuca piyaáca yae caseri yaacasi numanirica piri yácalé icuerina¨ ⁵ Nese yácalé icueriná imaca uli, ´´Pitecuenese yaee Amán raunamaita, numanicatena queide iyuwa Ester imana´´ iná yácalé icueriná Amán yáapicha, nacawa nayaca, Ester ideerica iderica umanica nali. ⁶ Idecunita yacawa nere ya naiseidaque caseri yaacasica, yae yácalé icuerina imaca Ester iri: ¨ ¿Cainá piwawa numanica piri cayaberi iyú? nuaca nutacaiwa piri picuterita nuicha. ¿Cainá piwawá? yewa nuaca puri yácalé yema¨. ⁷ Ester úebaca isana:¨yaca nuwaweri pimani nuli yaee: ⁸ baisicanamita cayaba nuasu wawasi pitui ichalee pia yácalé́ icuerina. yewacanami pimani nuli yaee nucuterica picha, ya piaca iweni yaee númanaca, piawa Amán yapicha tawicha, piyacatena nere aniawa casen yaacasi, nese yasi numaca piri, iyuwa picutana pemiawa nua yácalé icuerina¨ ⁹ Naniali ieri Amán yepuacawa casimairi iyú, casimaica iwawá. Nese Amán icacainami Mardoqueo yácalé́ icuerina icapee inuma iricú, camita umichata ibaluacawa, camita nacai caluta icacani, Amán ipuniecawa luasi iyu icacanami Mardoqueo, ¹⁰ Nese Amán iyamaide iluawa, yepocawa icapee nerewa ya ichulieca namaidaca nia imanubacanei, iwacaida niae yacueto Zeres yáapicha. ¹¹ Amán icalidaca nali cachunicana yaee iricunica, caita nacai namanubaca nia úier iwacananai caita nacai niae yácalé icueniná yasu weneiwicaca. ¹² Amán imaca: ¨Ester icuechá yácalé canacata aiba weneiwicaumaideri, nuata aberita, nuacatenawa yáapicha yaee yácalé icuerina wáyáacatena yae caseri yacasi umanirica nese aniawa, tawicha canaquei yepota umaida nua abecateii yácalé icuerina yáapicha, ¹³ Quewa macaita yai ceinacata iweni nuli idecunitaca niucaca yae Mardoqueo Judioseirica icapee inuma irica ya yácalé icueriná.¨ ¹⁴ Ya umaca iri ua yacuetó Zeres, macaita nia imanubacanaica: ¨pimanicue, nadacuacateiseca nacanapi iwalisewa nia.¨ cincuenta (50) codos ichenunica. mapisaita ya pimaca iri yaa yácalé icuerina. nadacuacatena Mardoqueo icanapi iwali. Nese ya piacawa piyacalé icuerina Amán cayabaca yemiecani, ya ichelieca namanicaque nadacuacatei nacanapi.