¹ Caicalina Mardoqueo yaliacawa macaita iwali imaniricam ichulía ibá yawawa ibale iwalise ya awisicanía ya napusuada nawalisewa bali, ya imusuacawa yacale bamuchuamire; ya yemianicawa imaidaca cachainiri iyu ipisiwaca ² ya yacawa aberita yacale iwacali icape inuma iwaluanacawa, camita nabata nawaluacawa matuiwaca nabale napusuerica bali iyu ³ ya macaita nía yacale pubenameyei alena nachuliani tacaisi namaniri yasuquei yacale icuerina yanacataica, iyaca aberi manuiri ininacalesi newi nía judionaica namacá nayácá awisicainania naichanica naiwitaisewa manuba nena nayaca, naliacáwa napusuadaca nawalisewa bali iyu ⁴ caucalina huai inanai manacau huasu wenaicaca huai Ester nacawa huatale ya naima huli, yá yacale iwacalu Awisica uwawá ya hubanua balesi Mardoqueo iri, yewacatena uwataca ubalewa cazaquerica bali iyu quewa camita yeba huli. ⁵ Nese Ester imaidaca Hatac, aberi nena nía naiwacananaica yasu quei yacale iwacalica, caide iyuwa namaquerica ibaidanapina nalí. húa huechuliacanía nacawa Mardoqueo neré nanapina napisaca cainacalí wawasí ichabericawa caina icacanawa ⁶ Nese Hatac yacawa yacawa Mardoqueo neré ale nawacaidayacataicawa ipuinta yai naiwacali icape inumabalé yalima ⁷ Mardoqueo ya icalida iwali yai ichabericawa iyuwa imanuba yai caweniri yai Amán imerica imacana itacaiwa nali chai nama cacataica caweniri yacale iwacali yacatena mamalacata inuaca nia Judionaica ⁸ Caitanacai yaca aberí yeneiwana yai tacaisi yerica chai Susa neni yewanapina imalaidacanía Judio nai, imani yai yewanapina Hatac yalimaca yasaida huca huai Ester imanica huli aberi wawasi huanapina yacale iwacali neré, huaca usutaca wawasi iwalí huichanica , yapicha iwaliyai huasu yacalecawa ⁹ Nese Hatac, yacawa ya imaca Ester iri, caide iyawa Mardoqueo imanaca. ¹⁰ Huai Ester hutanica Hatac yapicha ya imaca huli huepucatenawa Mardoqueo neré ¹¹ Caitanacai imaca, macaita nía ibaideyeica naiwacali yapicha yai yacle pubenameyei yasu caliquei yacale iwacalica, analiacawa camina matuiwaca asianai, iwalueyeicawa camiyeica imaidam iyaca aberi tacaisi enni iwali yai netanapinacawa caicanacaita, iyuma naiwacali yacuanapina bamuchuami yai caweniri yewanapina iyaca. Nua camita imaidanua nuanapina naiwacali neré yai imalaidana treinta (30) erica ¹² Nese Hatac ya icalida yai tacaisi huasú huai Ester Mardoqueo iri ¹³ Mardoqueo ibanua ya tacaisi camita yewa pinaidacawa piyanaca chai iyacataiquei naiwacalica pia pichuliacawa, nanitaba macaita nía chaibanai Judiío naí ¹⁴ Piacanami imacawa masanata iricu yaí erica, casimairi iyu, nacawa nuericawa nali nía Judio nai haiba cali nerá; quewa pía pieniri icape yapicha petacawa caina yaliacawa piacanami yawa nese pibaluacawa chai ¹⁵ Nese Ester hibanua yai tacaisi Mardoqueo iri ¹⁶ Piawa piwacaidacania macaita nía Judio nai iyelleica chaiSusa neni, ya pidacuecawa nuwali picacuepiya piyacalewa, picacue pirani, maisiba eri pina, taiyapi, eriapinama. nía manacanaica nua haiba, waidapinacawa caitanacaiwa. Nese nua nuacawa naiwacali neré Ewita ipuinta yai tacaisi ichuliana iwawacutacali nuecatawa ya nuetacawa ¹⁷ Mardoqueo yacawa imanica macaita ya Ester imanaca iri imanapina