Juan_HRomeroC-pay_rom_text

Capítulo 9

¹ Tasma yar ñahawá to Cristoyó. Tasma arkasa'tawã, untasameshkama ta ñahama kapashkuá askén tasyó to Akuansa Santo yó. ² Tasñama amẽshma wê chuwá ñewá to apa'nama ta turusãñá. ³ Akẽsh taspeka warkua tishparí Cristoña tishteshparií to eñariró ta arkileró, taintalerma taste e'leró a yuku kennarií. ⁴ Ekama Israelitalerwá, Ekalerma ye'ke kasukuhí to gloriama, to pactoma to ley kawishkima, Patatishta eyeshkaró, to tu'neerí. ⁵ To Ekalerma tõ'ma ke kã chilerwá tãro te'krima to Cristoro ayukurishki, Eka tañá Patatishta aaya a aiwa ekaí a ékaro ayeskape tõ'kenaripe. Akennaí. ⁶ Akãró ima akennatã hĩ to Patatishta tu'neiró wartishki, Akẽsh ima kri tanlerwá to Israelñá talerma yartishkerá to Israel tawarkerpe ⁷ Tõ'wa talerwá to kri chilermaa to Abraham ayerwã yar lerwá. Akenma, ke: "ISAAC ÑARIÍ TO CHILERMA IMA KARWALERPE". ⁸ Ima iĩ, yukú ayerwãlerma ima Patatishta aye' lertuwã. Akãró to kiima ayerwã tu'neima ima akennalerí to chileriró. ⁹ Akẽsh i kapashkama tu'neima: "I Ã ÃS CHAPARMA TASMA TE'PÁ, SARA AYE AS WISHPÉ". ¹⁰ Ima intaripé, akenma tika to Rebeca tõ'wã arwã as yo tukí, pita tus ma Isaac rii. ¹¹ Akẽsh toh yelermá atewatá chitirií, ima atewata ñawarki i eñachani ishkertirií, Patatishta ñehí tu'neiró tõ'ken akamanaskí tõ'ña chipiró, ima ña'tãri to ishkriró i'ka eka ishkiró, taña wã'niró. ¹² Korta ekaró ti'kii "TO EKÁ A'KAMA AYE'RO WISHPE". ¹³ Tõ'ken ima kakorskarií: "TASMA JACOB ARAKAARIÍ AKÃRO ESAU'RO ARÕSHKARI". ¹⁴ ¿Inkén akãshkua iró ñahapirasá? ¿Injusticia chipiti Patatishtayó? Ke ima paskertipé. ¹⁵ Inkén Ékama Moisés ñe'hi: "TASMA ÕIHSI TAKACHIPE TAÑÁ ÕIHSI TAKACHIPE, Y TASMA TÕRISHKI TAKACHIPE TAÑÁ TÕ'RISHKI TAKACHIPE". ¹⁶ Tõ'kema, ima éka e'taripé tãró toishkiwasá, ho'tãrí, ima ña'ripé to tañá ôwaró, ima Patatishtayoí, taña õihsi karchiwishkuá. ¹⁷ Akẽsh i kakorskama Faraónro ñe'hí: "IRISHKI ÑEHIRO TASÑA PI ISHPAKAWÁ, TASÑA KARCHIWISHPA TAS TAPÚMRO PAÑA'ROWÁ, AKÃRO AKENMA TAPINMA ÑA'WECHELERPIRÓ Y KUK PITENTA KRI'RÓ". ¹⁸ Akenma, Patatishta õihsi akachuwá talerma to' Eká to'perishkuá, tãró kuẽ'ni ki'pirishkuamá kuẽ'ni ki'wá. ¹⁹ Waripé pamawã ta'kakaupiwá: "¿Inkén Ekamá akachituro artapukuá? ¿Akẽsh tañá asna as te'ki ekape artapúnwatí to amẽshkuaró?. ²⁰ Akén atamakénma, arwá ¿Tarisá pai Patatishtaró ña'tikiiyá? ¿Tãró ñawartukuma ñe'pe tãro ñawartukima, ¿Inkén irishki takaurisá? ²¹ ¿Alfarero a enñaken pikachituwã untorka as tõ'kenki aka as eñaripé aka akuá as rí kapaní tokerpiro?". ²² Inkén Patatishta má ima aakuá karchiwishpiró to akaiwãró artapún arihapiró tarí wê awakapiró aka akaiwaro warkuachẽí eña aakupiwaró? ²³ Inkennasa to Eka ishkiró ima Eka nón tishpirii to gloriaró õihsi aká aayá, to Ekama eka pekama gloria awaken ishka ishkrí? ²⁴ ¿Inkennasa to Ekama untasró pitakii talerma Eka tõwã karwaní, ima Judios kra chẽ talerpé, akãró tõ'wã karwaní, ima Judíos kra chẽ talerpé, akãro tõ'wã gentiles kra lerñá? ²⁵ Akén Eka tõ'wã Oseasña ñe'wá: "TASMA TA KAUYUMA KARWAPA IMA TOLERMA TAKÃ UYA TÃLERI, TO ARAENKIIMA, IMA ARAENKI'TII. ²⁶ TÕ'ÑARIPE PIÃ ÑEHIMA TO EKALERO, PAMAWÁ TA KÃ UYA TARIÑAWĨ, TÕ'ÑAMA EKALERMA IMA KARWALERPE PATATISHTA CHURÓ AYE'LERWÁ". ²⁷ Isaías wã'ní Israel penhikẽ: "ÕO TO AWESHKÁ ISRAEL AYE'LERMA TAKE UÛ ABRIÑÁ CHUKENARII, REMANENTEMA TÕ'ÑARO CHIPE; ²⁸ AKẼSH TO SEÑORMA TO' AKAPASHMA Y KUKÑA PE'PIWÁ, WARIPE MUSTI KA'CHEPE". ²⁹ Ima Isaías kekerí ñe'hikẽ: "TO' SEÑORMA ASÁN WRIHA KENTÃRIMA Y CHAPARMA PITATU'NEITÍ, UNTASMÁ SODOMAKÉN WARKÍ TISHBRISHKI, SODOMAKÉN KAKA'BRISHKI". ³⁰ ¿Irõ ñahapisa akãshkua? To gentilesma, tãró ima justiciarp aakrí justiciaró suku'rí, ima to justicia fe rií. ³¹ Akãro Israelma tañá to ley ma justiciakií, ima ekañama nebo'tií. ³² ¿Hó inkenró? Akãro arachihinerí i fe'tarii, akenma ley akatúnrii ima sañá atatastrí. ³³ Ima inkén kakorskaí: "CHAUWÁ TASMA ZIÓN TU'NAAWA SÁ AS ATATASTARÓ SÁ AS AKAKI TAENHIRI TÃRÓ YAR ÑEHUMA ĨRÓ INTIKILERTIPE".